Fəridlə heç cür anlaşa bilməsələr
də getməyə başqa yeri də yox
idi.Anası onu qəbul etməyib geri,
qaynanasıgilə yola saldı.Günay da
onlara artıq yük olmasın deyə pis,
yaxşı guya öz həyatını qurmağa
cəhd etdi.Bu cəhdi baş tutmasa da,
xəyalları alt-üst olsa da geriyə yol
yox idi.Qaynatasının üzünə daha
baxa bilməzdi.Kamranı yenidən
nənəsigilə verməsinin səbəbi
onların uşağa çox bağlı olmaları,
həm də nəslin yeganə davamçısı
olması idi.Oğlu ilə istədiyi zaman
görüşməsinə də əngəl
olmadılar.İndi Kamrandan ürəyi
arxayın idi.Bircə qalırdı Fəriddən
qurtulmaq.Ondan qurtulmanın tək
çarəsi isə ondan daha yaxşısını
tapmaq idi.Belə bir fürsət əlinə
düşüncə onu
qaçırmayacaqdı.Qonşu qadın
vasitəsilə tanış olduğu bir neçə
qadınla son vaxtlar daha tez-tez
münasibətdə olurdu.Evdən çıxmaq
imkanı olmadığı üçün telefonda
daha çox danışırdılar.Öz
“bacarıq”larından ağızdolusu
danışıb Günayı acizlikdə
günahlandıran həmin qadınlar ona
yeni bir “namizəd” də
tapmışdılar.Həmin “namizəd” də
evli idi.Zahirən yaraşıqlı olmasa da
deyilənə görə sadə və əliaçıq
birinə bənzəyirdi.Bir sözlə Fəridin
tam tərsiydi.Yaş fərqləri də çox
idi.Ən əsası isə daha imkanlı
idi.Fəriddən qurtulmanın yeganə
yolunu o adamla tanışlıqda görən
Günay “fəaliyyətə” başladı.Ona,-
adı Eldar idi-guya səhvən zəng
edib diqqətini cəlb etməyə
çalışdı.Çoxdan “dəbdən düşmüş”
variant olsa da Eldarı inandıra
bildi.Qızın məlahətli səsi onu necə
ovsunladısa ikinci dəfə özü zəng
etdi.Beləliklə əvvəldən
düşünülmüş bu telefon danışıqları
səhəri gün canlı ünsiyyətlə,
tanışlıqla bitdi.Çox gənc və çox
gözəl qızla qarşılaşacağını zənn
etmirdi Eldar.Günayı görən kimi
özünü itirməsi hiss
olunurdu.Baxmayaraq ki, Günay
onun həyatında həyat yoldaşından
sonra görüşdüyü ilk qadın
deyildi.Çox qadını olmuşdu.İndi də
var idi.Günaysa onlardan nə iləsə
fərqlənirdi.Özü də tapa bilmirdi bu
fərqi.Gözəlliyimi?Gözəl qadınları
da çox görmüşdü.Gəncliyimi?
Görüşdüklərinin yarısı elə Günayla
həmyaşıd