Eldarın bir zəngi hər şeyi
dəyişdi.Gecikmiş də olsa
həyatında ilk və tək sevgisi idi
Eldar.Onu belə çox sevdiyini özü
də bilmirdi.Ondan ayrı qaldığı
günlərində anladı.Onu sevdiyi
üçün də xəbərsiz çıxdı
həyatından.Öz problemlərini ayrı-
ayrılıqda həll etməliydilər.Bunun
üçün onlara vaxt lazım
idi.Görünür bu vaxt bitmişdi.Ya da
Eldar daha onsuz qala bilmədi.Onu
axtardı, tapdı və yenidən birlikdə
yaşamağı xahiş etdi.Günay necə
yox deyə bilərdi sevdiyi kişiyə?
Əlbəttə ki, razılaşacaqdı.O
deyildimi hər gün qulağı səsdə,
gözü yolda qalan.Axşam yatanda
da mobil telefonunu balışın altına
qoyub yatardı.Gecə hər ayılanda
telefona baxar, ondan sms, ya
zəng gəlib-gəlmədiyini bilmək
istəyərdi.Son günlərdə daha
ümidini üzmüşdü.Amma heç vaxt
Eldara nifrət etməz, onu
unutduğunu düşünməzdi.Əksinə
həmişə özünü
günahlandırırdı.”Eldara rast
gəlməsəydim bu qədər problem
yaşatmazdım ona.Dərd oldum
onun da başına.Məndən kimsəyə
xeyir gəlməz” deyib özünü
danlayardı.Budur, Eldar artıq onun
yanındadı.Yenə də əvvəllərdə
olduğu kimi üzü gülür, yaşama
həvəsi artmışdı.Anasıgil Kamranı
saxlamaq istəsələr də razı
olmadı.Yaxşı bilirdi ki, onlar
Kamrana nə qədər yaxşı baxmağa
çalışsalar da qaynanasıgil kimi
baxa bilməyəcəklər.Elə Kamran
özü də qaynanasıgilə can
atırdı.Onlara çox öyrəşmişdi.
Yenə də kirayədə-bu dəfə lap
ucuz bir evdə-birlikdə yaşayır, bu
çətin günlərin tezliklə ötüb-
keçəcəyini düşünürdülər.Amma
sən saydığını say..Hər şeyin daha
da pisliyə getdiyini bilsə də
Günaya hələ ki, bir söz demirdi
Eldar.Ta ki, həbs edildiyi
günədək.Gecə evə gəlməyincə
ondan narahat qalan Günay Eldarın
yaxın qohumuna zəng etdi.
(Eldarın qohumları içində Günayı
tanıyan, onların münasibətinə
normal baxan yeganə qohumu
idi.)Eldarın niyə həbs edildiyinin
səbəbini bilmək istəyirdi.Bəlkə o
da Cavid kimi narkotik satışı ilə
məşğul imiş?Ya o da qatilmiş?Bu
fikirlər onu çox narahat
edirdi.Artıq olan olmuşdu.Eldar
həbsdəydi.Günayı maraqlandıransa
onun