hissəsini
götürərdi. Kişi çıxıb gedəndən
sonrasa həmin pulları öz
aralarında yarı bölürdülər. Gələn
dəfə də pulu götürən qız yataqda
olan zaman digəri ona beləcə
“kömək” edirdi. Bu “oğurluq”da
hələ heç kim tutulmadığı üçün
hələ ki, təhlükəli sayılmırdı. Raya
da bu yolla az qazanmamışdı.
Yoxsa bu qısa müddət ərzində yüz
min dollara sahib ola bilməzdi.
Hələ heç kəs burdan o qədər pulla
getməmişdi.
Günay hələ Bakıda olanda
Sevdadan eşitmişdi. -Türkiyədə
bu qədər pul qazanıb sonra aradan
çıxmaq istəyən qızların başına
gələnləri. Deyilənə görə hətta
onların adsız məzarlarından ibarət
bir yer,-qəbiristanlıq da varmış
orda. Adına da “Nataşa
qəbiristnlığı” deyilirmiş. Burda o
qəbiristanlığın olub-olmadığını
dəqiq bilmirdi. Amma əmin idi ki,
Raya ələ keçsə yüz faiz onun sonu
olacaq.
-Çox sağ ol, bacı. Mənim bacım
yoxdur. Burda səni böyük bacı
bildim özümə. Sən hamımıza
dəsdək olmusan. Elə Solmazın də
tərəfində idin o zaman,
yadımdadır.
Azərbaycandakı cəsarətsiz, öz
ağlıyla bir addım atmayan və
bədbin Günaydan əsər
qalmamışdı. O da qərarlı idi.
Rayaya kömək edəcəkdi və etdi
də...Sırf Raisanın sənədlərini
götürmək xatirinə çox iyrəndiyi
çirkin, çopur Ömərlə birlikdə
oldu. Yatmadan əvvəl ona yuxu
dərmanı da verdi. Bərk yuxuya
gedən Ömərin yanında zəlzələ də
olsa xəbəri olmazdı daha. Otaqları
ələk-vələk edib Raisanın
sənədlərini tapdı. Səhər açılanda
da alış-veriş adı ilə ikisi birlikdə
oteldən çıxdılar. Rayanı hava
limanından vətənə yola salıb
arxayınlıqla qayıdanda sevincdən
uçurdu. Bu gün bir nəfəri də
vətənə yola saldı. Həm də öz əli
ilə...Otelə çatar-çatmaz sevinci
ürəyində qaldı. Qəzəbdən sifəti
daha da çirkinləşmiş Ömər
Günayın saçından tutub
pilləkənlərlə sürüyüb yuxarı
mərtəbəyə çıxarırdı. Bundan da
ürəyi soyumayıb qızı boğmağa
başladı. Qızlar, Esya Günaya görə
üzülsələr də bir şey edə
bilmirdilər.Elə bu vaxt giriş qapısı
zərblə açıldı.Hamının diqqəti
qapıya yönəldi. Qəzəbindən quduz
itə dönmüş Ömərin