önündən. Gözünü
yumsa da onu görürdü...Bu, oğlu
idi. Kamranı buraxıb gələndə üç
yaşı olardı. İndi böyüyüb.
Gözlərini yumanda onu artıq
böyümüş, indiki yaşında görürdü.
Günayı xəyaldan yenə Esyanın səsi
ayırdı. Bayaq ona zəng gəldi deyə
Günayı danlamağa ara verib
telefonla kiminləsə danışmağa
başladı. Söhbəti başa çatan kimi
yenə üzünü Günaya tutdu. Bu dəfə
səsi bayaqkı kimi əsəbi deyildi.
Yenə şirin dilini işə saldı:
-Günka, canım, özünü üzmə bu
qədər. Daha olan olub. Bəxtin bu
dəfə də gətirdi.
Nəsə soruşmağa halı yox idi
Günayın.Təəccüblü baxışlarla
gözlərini ona dikdi. Baxışlarıyla
“Nə olub ki?” demək istəyirdi.
Onu intizarda çox saxlamadı Esya:
-Soltan ağa səni bağışlayıb. Ömər
səni yanına çağırır.
Günay bu xəbərdən heç də
sevinmədi. Əksinə Ömərin adını
eşidəndə belə ürəyi bulanırdı. Onu
niyə çağırmasını da yaxşı bilirdi.
Yəqin ki, bu gecəni də onunla
birlikdə olmaq istəyəcək..
.. Soltan ağa Monikanı
bağışlamışdı. Əslində o çox da
qəddar biri deyildi. Hər halda
Ömərlə müqayisədə ona
yumşaqqəlbli demək
olardı...Monikanın bağışlanması
Ömərdə yeni bir ümid yaratdı...
Sahibi yola salandan sonra onu
yanına çağırmaqda məqsədi vardı.
Əvvəllər də Ömərdən heç xoşu
gəlməzdi. Bu günkü hadisədən
sonra isə nifrəti birə beş artdı.
Dünən gecə Rayanın sənədlərini
götürmək xatirinə onunla birlikdə
olmuşdu. Bəs bu gün niyə özünü
məcbur etməliydi axı?Əslinə qalsa
Ömərin ixtiyarı yoxdur burda
hansısa qadını onunla yatmağa
məcbur edə. Çünki burda qızların
çoxu demək olar hər gecə məşğul
olurlar. Yəni hər gecə burda
müştəri çox olduğu üçün heç öz
“işlərini” çatdırmırlar. Yalnız
hansısa məqsədləri olan zaman
Ömərlə birlikdə könüllü olmaq
istəyənlər olur... Əsasən yeni
gələn qızlar... Hələ Monika kimi
öz hüququnu bilən, qızların ən
gözəli onun üzünə heç baxmazdı.
Nə olsun ki, burda onlara
nəzarətçi odur? Dəvədən böyük
fil də var. Soltan ağanın itidir o,
vəssəlam. ”Qoy bir məni məcbur
etməyə çalışsın, işinə