saatların tez bitməsini
səbirsizliklə gözləyirdi.
-Dünənki gecənin “sağ ol”unu
gördüm. Çox əliaçıqsan... Bu
günlük mənə yetər..-Özünü naza
qoyurmuş kimi incik göstərirdi..
-Əlbəttə ki, bu gecə başqa olacaq.
Müştərinin verdiyindən də ikiqat
artıq pul verəcəm..
Ömər bu təkliflə Monikanı
təəccübləndirmək, onun gözündə
həqiqətən səxavətli görünmək
istəyirdi. Bilirdi ki, qızlar belə
kişiləri əldən buraxmaq istəmirlər.
Həm də hələ indiyədək Ömər
birlikdə olduğu qızlardan heç
birinə bu qədər pul verməmişdi.
Onlarla keçən gecənin qarşılığı ya
pul əvəzinə başqa güzəştlər
olurdu, ya da ki, müştərinin
verdiyindən iki-üç dəfə az
ödəyərdi. Monikaya olan
vurğunluğu xəsis Öməri də
səxavətləndirdi... Amma bunların
heç biri onun vecinə deyildi.
Cəhənnəm olsun onun pulları da,
özü də...Bu gecəni də onun pis
qoxulu nəfəsini yenidən duymağa
dözməzdi..
-Özümü pis hiss
edirəm...Ağrılarım hələ
keçməyib.Bu gecə olmaz..
-Bəs sabah?
-Bilmirəm...
-Bu nə deməkdir? Məni rədd
edirsən?
Monika onu yola verə, vaxt
qazanmaq üçün “Bu gün yox,
amma sabah mütləq” - deyə
bilərdi. Amma demədi..Onun bu
murdar sifətini sabah da
görməmək üçün söhbətə bu gün
son qoymalı idi.
-Hə, “Yox” deyirəm.. səninlə
olmaq istəmirəm..
-Dilin çox uzanıb ha sənin...
Nəyinə güvənirsən axı? Kimə
arxalanırsan? Sənə elə bir cəza
verərəm ki...
-Ha, ha, ha…-istehzayla güldü..-
Hansı cəza verəcəksən? Soltan
ağa məni bağışladı. Məni öldürə
bilməzsən. Özünlə yatmağa isə
heç məcbur edə bilməzsən.
Səndən şikayət edərəm. Səninçün
təzə qızlar deyiləm ki, aldada
biləsən..Başqa nə cəza verə
bilərsən mənə?Bəlkə Anitaya
verdiyin cəzadan verəcəksən?
Anita bura yeni gələn zaman
Ömər onunla ilk dəfə özü olmaq
istəyəndə yazıq qız elə qorxdu
ki... Heç cür razılaşmaq istəmirdi.
Bütün gecəni dəli kimi qışqırır,
üzünü cırırdı. Epilepsiyası
tutmuşdu. Axırda Ömər özü ondan
imtina etdi. Qızlar sonradan
bildilər ki, Ömər Anitanı uşaq
evində zorlayan müəlliminə çox
bənzədiyinə görə