Mehriban və Rəhimli olan Allahın adı ilə.

16.Onlar doğru yolun əvəzində sapıqlığı (əyri yolu,hidayətin müqabilində zəlaləti) satın almış kəslərdir.Onlarin alveri xeyir gətirmədi və haqq yolu da tapmadılar.

17.Onların (münafiqlərin) halı (qaranlıq gecədə) od yandıran şəxsin halına bənzər.Od (yanıb) ətrafındakıları işıqlandırdığı zaman Allah onların işığını keçirər və özlərini zülmət içərisində qoyar,(artiq heç nə) görməzlər.

18.Onlar kar, lal və kordurlar (haqqı eşitməz,danışmaz və görməzlər).Buna görə də (öz pis adətlərindən,yaramaz əməllərindən) dönməzlər.

19.Yaxud (o münafiqlər) qaranlıqlarda göy gurultusu və şimşeklə səmadan şiddətlə yağan yağışa düşmüş kimsələrə bənzərlər ki,ildırımın səsindən ölmək qorxusu ilə barmaqlarını qulaqlarına tıxayarlar.Halbuki Allah kafirləri (Öz elmi,qüdrəti ilə) ehtiva edəndir (Onun əlindən əsla qaçıb qurtara bilməzlər).

20.İldırımın çaxması az qalır ki,onların gözlərinin işığını alsın (onları kor etsin ).(Şimşək) onlara işıq verdiyi zaman (onun şüası ilə) yeriyirlər,üzərlərinə qaranlıq çökdükdə isə (olduqları yerdə) dayanıb dururlar.Əgər Allah istəsəydi,onların qulaqlarını və gözlərini əllərindən alardı.Heqiqətən,Allah hər şeyə qadirdir.

Günün Hədisləri:
İMAM TƏQİ (ə) buyurur:
Şər insanla dost və yoldaşlıq etməkdən çəkin,
çünki o, çılpaq qılınc kimidir, zahiri gözəl, əsəri
çox pisdir,

Vəssalamu aləykə və Rahmətullahi va Bərakətuh.