Mehriban və Rəhimli olan Allahın adı ilə.

21.Ey insanlar! Sizi və sizdən əvvəlkiləri yaratmış Rəbbinizə ibadət edin ki,mütəqqi olasınız!.(Allahdan qorxub pis əməllərdən çəkinəsiniz!)

22.O Allah ki,sizin üçün yer üzünü döşədi,göyü isə tavan yaratdi,göydən yağmur endirdi və onun vasitəsilə sizin üçün müxtəlif meyvələrdən ruzilər yetişdirdi.İndi siz de Allaha (Onun heç bir oxşarı və bənzəri olmadığını) bilə-bilə şəriklər qoşmayın!

23.Əgər bəndəmizə (Muhəmmədə) nazil etdiyimizə (Qur`ana) şəkkiniz varsa,siz də (fəsahətdə və bəlağətdə) ona bənzər bir surə gətirin və əgər ("bu,bəşər kəlamıdır" sözünü) doğru deyirsinizse,onda Allahdan savayı (bütün) şahidlərinizi (bütlərinizi,şair və alimlərinizi bu işdə köməyə) çağırın!

24.Madam ki,belə bir işi bacarmırsınız,heç bacara da bilməzsiniz,o halda kafirlər üçün hazırlanmış,yanacağı (günahkar) insanlardan və kibrit daşlarından ibarət olan oddan (Cəhənnəmdən) həzər edin!

25.(Ya Peyğəmbər!) İman gətirən və yaxşı işlər görən kimsələrə müjdə ver: onlar üçün (ağacları) altından çaylar axan cənnətlər (bağlar) vardır.(O cənnətlərin) meyvələrindən bir ruzi yedikləri zaman:"Bu bizim əvvəlcə (dünya evində) yediyimiz ruzidir",-deyəcəklər.Əslində isə bu (ruzi,meyvələr) onlara (dünyadakılara zahirən) bənzər olaraq verilmisdir.Onlardan ötrü orada (hər cəhətdən) pak (olan) zövcələr də var.Onlar (mö`minlər) orada əbədi qalacaqlar.

Günün Hədisləri:

« Ey İnsan, Sən Ölümü Unutsan da, Ölüm Səni
Unutmur. »
Sevgili Həzrət İmam Əli (ə)


Vəssalamu Aləykə va Rahmətullahi va Bərakətuh.