Mərhəmətli və Rəhimli olan Allahın adı ilə.

31.(Allah Adəmi yaratdıqdan sonra) Adəmə bütün şeylərin adlarını (isimlərini) öyrətdi.Sonra onları (həmin şeyləri) mələklərə göstərərək:"(İddianızda) doğrusunuzsa,bunların adlarını Mənə bildirin!"-dedi.

32.Onlar:"Sən paksan,müqəddəssən! (Bütün eyib və nöqsanlardan kənarsan!) Sənin bizə öyrətdiklərindən basqa biz heç bir şey bilmirik.(Hər şeyi) bilən Sən,hikmət sahibi Sənsən",-dedilər.

33.(Sonra) O:"Ey Adəm,bunların (kainatda möcud olan əşyanın) adlarını onlara bildir!"-dedi.(Adəm) onlara (mələklərə) bunların adlarını xəbər verdikdə (Allah):"Mən sizə,göylərin və yerin gözə görünməyən sirlərini və sizin gizlində-aşkarda nə etdiyinizi bilirəm,söyləmədimmi?"-buyurdu.

34.(Ya Peyğəmbər!) Biz mələklərə:"Adəmə səcdə edin!-dedikdə İblisdən başqa (hamısı) səcdə etdi.(Yalnız) o,lovğalanaraq (səcdə etməkdən) imtina etdi və kafirlərdən oldu.

35.(Sonra) Biz (Adəmə) dedik:"Ey Adəm,sən zövcənlə (Həvva ilə) Cənnətdə qal və hər ikiniz oradakı meyvələrdən,istədiyniz kimi,bol-bol yeyin,yalnız bu ağaca (buğdaya) yaxın gəlməyin! Yoxsa (özünüzə) zülm edənlərdən olarsınız".

Günün Hədisləri:

İmam Rza (ə) buyurdu: "Allah bizim əmrimizi dirildənə rəhmət etsin!" Soruşdular: "Sizin əmrinizi necə diriltmək olar?" Buyurdu: "Bizim elmlərimizi öyrənib başqalarına öyrətməklə".