Mehriban və Rəhimli olan Allahın adı ilə


36.Onu (bətnindəkini) doğduğu zaman:"Ey Rəbbim! Mən qız doğdum"-söylədi.Halbuki,Allah onun nə doğduğunu və oğlanın qız kimi olmadığını yaxşı bilirdi.(Hənnə:) "Mən onun adını Məryəm qoydum,onu və onun nəslini məl`un Şeytandan (Şeytanın şərindən) Sənə tapşırıram"(dedi).

37.Belə olduqda,Rəbbi
(Məryəmi) yaxşı qəbul etdi,onu gözəl bir fidan kimi böyütdü və Zəkəriyyaya tapşırdı.Zəkəriyya hər dəfə (Məryəmin) ibadət etdiyi mehraba girdikdə,onun yanında bir ruzi olduğunu görərdi.(Zəkəriyya:) "Ya Məryəm,bunlar sənin üçün hardandır?"-dedikdə,o:"Allah tərəfindəndir!"-deyə cavab verərdi.Həqiqətən,Allah istədiyi şəxsə hədsiz ruzi verər!

38.(O zaman) Zəkəriyya Rəbbinə dua edərək dedi:"Ey Rəbbim! Mənə də Öz tərəfindən pak bir övlad bəxş et! Sən,həqiqətən,duaları eşidənsən!"

39.(Zəkəriyya) mehraba (ibadətgaha) ayaq üstdə durub namaz qılarkən mələklər ona müraciət edib dedilər:"Allah sənə Özü tərəfindən gələn kəlməni (İsanı) təsdiq edən (tayfasına) ağa,nəfsinə hakim və əməlisalehlər zümrəsindən bir peyğəmbər olacaq Yəhyanın (dünyaya gələcəyi) xəbərini müjdə verir".

40.(Zəkəriyya:) "Ey Rəbbim,üzərimə qocalıq çökdüyü və zövcəm qısır (doğmayan) olduğu halda,mənim necə oğlum ola bilər?"-söylədi.(Allah isə:)
"(Bəli) dediyin kimidir,(lakin) Allah nə istəsə, onu edər"-deyə buyurdu.


Günün Hədisləri:

Ey dünyanı məzəmmət edərək pisləyən
şəxs!
Ey dünyaya aldanmış insan! Dünya səni
aldatmayıb,sən aldanmısan..."
Həzrət Əli (ə).