stress yaradacaq bir vəziyyət, üzüntü, sıxıntı, yaxın bir insanının itkisi kimi bir hal varsa, bu zaman heç bir cinsi həvəsdən söhbət gedə bilməz. Ümumiyyətlə, intim münasibət fizioloji tələbatdır. Amma bu məsələdə psixoloji faktorlar da mühüm rol oynayır".

Ginekoloq vurğulayır ki, kişilərin əksəriyyəti qadına sadəcə öz təlabatını ödəmək üçün yanaşırlar. Bunun nəticəsində də qadınlarda cinsi istəksizlik yaranır: "Demək olar ki, hər gün bu problemlə üzləşən qadınların sayı artır. Ötən illə müqayisədə bu il bizə müraciət edən qadınların çoxluğu bunu deməyə əsas verir".
Androloq Ağasəf Rüstəmov da mövcud problemin yaşanmasında kişilərin daha çox məsul olduğunu bildirir. Androloqun fikrincə, əksər kişilər qarşı tərəfin marağını nəzərə almır və sadəcə özlərini düşünürlər:
"Bir çox kişilər qadına robot kimi baxırlar. Elə zənn edirlər ki, qadını istədikləri kimi idarə edə bilərlər. Ancaq hər bir kişi xanımının nəyi istəyib-istəmədiyini bilməli, onun orqanizmini mükəmməl tanımalıdır. Ən vacibi isə kişi öz qadınını intim əlaqəyə həvəsləndirməlidir. Bu zaman cinsi istək qarşılıqlı olar, əlavə problem də yaranmaz".
Androloq problemlə bağlı vaxtında həkimə müraciət etməyin vacibliyinə diqqət çəkir: "Ötən il bu problemlə bağlı müraciətlər 10% təşkil edirdisə, bu il 20%-ə yüksəlib. Əminəm ki, bu göstərici daha yüksəkdir. Lakin əksəriyyət utandığından dərdini içində çəkir, həkimlə bölüşmür. Ancaq vaxtında mütəxəssisə müraciət olunsa, problem böyümədən həllini tapar".
Kənan Paşayev də ailədə cinsi münasibətlər zamanı problemlər yaşayanlardandır. Kənan deyir ki, əvvəllər bütün günahı xanımında görürmüş: "İntim əlaqəmiz zamanı həyat yoldaşım bir qadın kimi məni qane etmirdi. Onda mənə qarşı soyuqluq hiss edirdim. Bunun nəticəsində xanımımın sevgisinə şübhə etməyə başladım. Bir gün təsadüfən televizorda bu problemdən bəhs edən verilişi izlədim. Məhz bundan sonra özümdə olan səhvləri anladım və mütəxəssisə müraciət etməyə qərar verdim".
Psixoloq İlhamə İsmayılovanın