Mentalitet ər və arvadın intim münasibətlərindəki problemləri ört-basdır etməyə vadar eləyir. Bu isə çox zaman ailələrin dağılması ilə nəticələnir.

"Həyat yoldaşıma qarşı cinsi istəksizliyim, ehtirasımın olmaması az qalsın ailəmin dağılmasına səbəb olacaqdı", - bu sözləri iş qadını Kəmalə Əfəndiyeva söyləyir.

O, əvvəllər buna bir o qədər də əhəmiyyət verməsə də daha sonra ciddi fəsadlarla üz-üzə qalınca mütəxəssisə müraciət eləmək qərarına gəlib: "Düşünürdüm ki, bu, yorğunluqdan irəli gəlir və bir müddətdən sonra keçib gedəcək. Amma sonralar doğrudan da böyük problemlə üz-üzə olduğumu anladım. Ailə həyatım dağılmaq üzrəydi, məcburən ginekoloqa getdim. Tibbi yardım çox faydalı oldu. Yaxşı ki, mütəxəssisə vaxtında müraciət etmişəm, yoxsa çox gec ola bilərdi".

Eyni problemlə üzləşən Səkinə Mahmudova ehtiraslı qadınlara paxıllıq etdiyini deyir: "Cinsi zəifliyimə görə həyat yoldaşımla tez-tez mübahisəmiz olur. Yoldaşım dəfələrlə bunu mənim başıma qaxır. Zamanla onun başqa qadınlara maraq göstərdiyini də hiss edirəm".

Zəminə Hüseynova da mövcud problemin ona əziyyət verdiyini dilə gətirir: "Ehtirasın nə olduğunu anlamıram. Çünki mən həyat yoldaşımla intim əlaqə zamanı heç bir şey hiss etmirə. Sadəcə ərimdir deyib öz arvadlıq borcumu yerinə yetirirəm".

"Həyat yoldaşım dəfələrlə mənə həkimə getməyi təklif edirdi. Mən isə utandığım üçün bunu etmirdim. Həyat yoldaşımla aramızda əməlli-başlı soyuqluq yaranmağa başladı. Anladım ki, belə davam etsə, ailəm dağılacaq. Qorxduğum başıma gəldi", - 32 yaşlı Pərvanə Əliyeva deyir.
Məhz bu problemə görə ailəsi dağılan Pərvanə xanım qadınları vaxtında mütəxəssisə müraciət etməyə səsləyir: "Ailədə intim münasibətlərdə problem varsa, dərhal həkimə müraciət edin.Yoxsa mənim kimi çox peşiman olarsınız. Sonrakı peşimanlıq da fayda etmir".

Ginekoloq Rəhilə İbadullayevanın sözlərinə görə, uşaqlıq yolunun dar olması, infeksion və iltihabi xəstəliklər, sinir pozğunluğu olan qadınlarda intim əlaqəyə həvəs olmur:
"Qadında