Hər bir insanın arzusudur sevdiyi insana qovuşub gözəl ailə həyatı qurmaq.. Xəyallardakı nigah və toy məclislərini həyata keçirmək.

Müsəlman olduğumuz üçün dövlət qeydiyyatından keçirilən nigahla yanaşı din xadiminin (mollanın) oxuduğu dini kəbin bağlamaq da qədimdən bəri adət halını almışdır. Amma yazımın əsas mövzusu əlbəttə ki, restoranda keçirilən və nə olduğuna ad verilməkdə çətinlik çəkilən toy mərasimidir. Toylarımızı əvvəllər tamada idarə edərkən hal hazırda daha çox müğənnilər idarə edir. Heç düşündünüzmü illərdir xəyalını qurduğunuz toy məclisinizdə necə musiqi səslənməli? Toyunuza gələn qonaqların mahnı sifariş vermələri nə dərəcədə düzgündür? Azərbaycan toylarında xarici musiqilərin səslənmə məsələsi nə dərəcədə doğrudur? Ya da hansı mahnı növləri arasından seçim etməli? Bir zamanlar muğamlar səslənirdi, şerlər oxunurdu, heç bir millətdə olmayan bir tək bizə məxsus olan “ürək sözü” adı altında gözəl təbriklər səslənirdi.. Bəs indi?… Hansı sıxlıqda keçirilir belə toylar? Bir də toy edəcək gənclərə soruşmalı.. Siz nə arzu edirsiniz?

Gənclər rəqs dərslərinə gedərkən hansı mahnıları seçməli? Milli mentalitet bu vacib gündə nə dərəcədə əhəmiyyətli sayılmalı ya da hal hazırda sayılırmı?

İki gənc ailə qurmadan əvvəl, elçilik, nişan, nigah mərasimi, toy məclisi, ev, cehiz, kimi şeyləri yaxınları ilə birlikdə incəliklərinə qədər düşünməyə çalışırlar. Kim istər ki, toyunda iştirak edən qonaqlar toydan şikayət etsinlər?.. Hər kəs ömründə bir dəfə olmasını arzuladığı bu gözəl hadisənin daima xoş xatirələrdə yaşamasının tərəfdarıdır.

Gənclər ailə həyatına qədəm qoyarkən, büdcələrinə uyğun olan restoranda ən yaxşı toy məclisini keçirmək istəyirlər. Qonaqlara ən ləziz taamlar təqdim edilir . Bəs musiqi necə?

Hamımıza məlumdur ki, əfsuslar olsun artıq bir çox toylarda səslənən musiqilər həddən artıq dərəcədə yorucu və çox zövqsüz seçimlərdir. Azərbaycan adət-ənənəsinə uyğun musiqimiz artıq nadir hallarda səslənilir. Gəlini vağzalı rəqsi ilə ata