ULDUZLU BİR GECƏ...Tənhayam yenə,
xəfif meh saçımı darayır mənim...
Eşqinlə ürəyim istəyir dinə,
ürəyim gülümü arayır mənim!...

Titrəşir astaca yarpaqlar niyə,
külək ayrılıqdan xəbər gətirmiş...
Vüsal arzulayan coşqun ürəyə,
hicran buludunu külək yetirmiş!...

Qəm dolur ürəyə,dolur,hey dolur,
sıxılır ürəyim,ağrıyır canım...
Könlümü coşqunluq alır,hey alır,
çoxalır yenə də bax həyəcanım!...

Sevmək istəyirəm!..Bu coşqun ürək,
qoy yansın hər zaman,yansın közünlə...
Şirin təbəssümlü sərinlik gərək,
məni odlamısan sevən gözünlə!...

Qorxmadım yanmaqdan...yandım eşqinə,
yandıran özünsən,özün də saxla...
Mən ki ürəyimi vermişəm sənə,
keçir sınaqlardan,bir daha yoxla!...

Meh əsir...ürəyim titrəyir niyə,
Düşündüm:"Nəfəsin küləkdi,bəlkə!..."
"Sevirəm,"-sözünü hey deyə-deyə,
mən təkcə qalmışam burada,təkcə!...

Ayrılıq hər zaman əzablı olmuş,
ayrılıq qəlbimi kövrəldir,gülüm...
Bizi keçən günlər aralı salmış,
sənə ki yetişmir,neyləyim,əlim!...

Məni düşündünmü!...Suala bax bir,
necə ola bilər,düşünməyəsən!...
Eşqimə əbədi inam gərəkdir,
nə üçün bu eşqlə isinməyəsən!...

GUN KECIR,ISTI GUN...DARIXIR ÜRƏK,
yol çəkən gözlərim səni gözləyir...
Bəlkə də,nəfəsim qarışan külək,
oxşayıb telini hey əzizləyir!...

O uzaq ulduza baxıram indi,
bəlkə,gözlərini zilləmisən sən...
Bu geniş asiman necə dərindi,
Günəştək orada görünəcəksən!...

Ürəyim dil açır...dinməsəm də mən,
səninlə üz-üzə durduğum zaman...
Öpmək istəyərkən ala gözündən,
arzum ləkəsizdir,sevdiyim,inan!..

Sən yola düşəndə baxırdım yenə,
qəlbimdə,elə bil,küskünlük vardı...
Arada xəlvəti sən baxdın mənə,
baxışlar məni də çəkdi apardı!...

Eh,indi neyləyim,gecə də keçir,
bəlkə,uzanmısan yatağına sən!...
Bəlkə,xəyalından sevdiyin keçir,
bəlkə də,heç mənsiz sevinməmisən!...

Neyləyim,qəmliyəm...axı təkəm,tək,
qoy heç kəs dünyada tənha qalmasın!...
Sevənə dünyada sevdiyi gərək,
sevənlər heç zaman ayrı olmasın!...

Bəlkə də,haqqım yox bu nəğməm üçün,
niyə