Bosniya-Xorvatiya müharibəsi illərində basdırılan 90 min minanı arılar tapacaq. Xorvatiyalı elm adamları bal arılarından minaları təmizləməkdə istifadə edəcəklərini açıqlayıblar. Bu məqsədlə arıların tərbiyə edilməsi işi isə başa çatıb.

Xorvatiya Mina Təmizləmə Bürosu, Bosniya- Xorvatiya müharibəsi illərində basdırılan 90 min minanı arıların iyləmə qabiliyyəti vasitəsilə təmizləməyi planlaşdırır.

Alimlər tərbiyə edilən arıların təbiətə buraxıldıqda minaların basdırıldığı yerlərdə sıx toplaşacaqlarını, istilik qəbuledici kameraların da arıların hərəkətlərini təqib edərək minaları tapacaqlarını bildiriblər. İyləmə qabiliyyətləri itlərdən belə yaxşı olduğu bilinən arılar, daha əvvəl bomba, narkotik maddə, uran və xərçəng xəstəliyini belə təsbit etməkdə istifadə edilib.