“Ürəklə ağılın vəhdəti İmandır”

- Uğur nədir? Siz özünüzü uğurlar qazanmış biri hesab edirsinizmi?

- Uğurlu ailə, uğurlu iş, uğulu mövqe... Bunlar insanın tez-tez işlətdiyi rahatladıcı söz birləşmələridir. Məncə, uğur insanın bir iç tarazlığıdır. Hətta savaş anında belə iç tarazlığını pozmayan insan üçün uğur qazanmış insan sözünü işlətmək olar. Çünki normal ailə də, iş də, mövqe də ola bilər, hər kəs sənin əmrinlə oturub-dura bilər, ancaq içində bir boşluq duyacağın anda heç bir uğur barədə düşünə bilməyəcəksən.

- Belə bir deyim var: uğuru da, uğursuzluğu da öncədən proqnozlaşdırmaq mümkündür.

- Nə uğuru, nə də uğursuzluğu proqnozlaşdırmaq mümkün deyil. Mənim üçün bir formul var: Allah çalışanın yardımçısıdır. Yəni özünü hansısa günün adamı olmağa günbəgün hazırlamaqdan başqa bir şey düşünməyə gərək yox. Ardınca mütləq uğur gələcəkdir. İdmançının uğuru məşqdən, yazarın uğuru yazmaqdan, siyasətçinin uğuru insanların problemini həll etməkdən keçir. Dürüst niyyətlə çalışmaq uğuru çağırmaq deməkdir.
Özünün seçdiyin peşənin, işin ən yaxçı bilicisi olmaq və öyrənməkdən qorxmamaq. Nədən başlamağı söyləmək çox çətin məsələdir, ancaq ilk öncə uğur qazanmaq istəyən kimsə, özündə cavabdehlik duyğusunu sərtləşdirməlidir. Mütləq mənada insan həyatında uğur yoxdur. Ancaq qalıcı və faydalı dəyərlər yarada bilirsənsə və onu miras qoyub gedirsənsə, uğurlu bir ömür yaşadığını düşünə bilərsən. Özünü qələbəyə hazırlamalısan, ancaq məğlubiyyət anından sonrakı dirçəlişinin yollarını da unutmamalısan. Məğlub olanda yenə də səbrlə ağılın imkanlarını ortaya qoyub yola davam edirsen. Məncə danışıq qabiliyyəti yetərli komponent deyil.
İstedadlı və ağıllı dostlara sahib olmaq. Onların məsləhəti bu mövzuda hər şeydən çox adamın işinə yarayar. Hər düşündüyünü tətbiq edib nəticəyə varmaq olmur. Sadəcə Allah rizası üçün sənin üzərinə düşəni vicdanla yerinə yetir, nəticə əvvəl-axır olacaqdır. Uğurlu insanlar, məncə, çevrəsinə, cəmiyyətə, insanlığa faydalı olan insanlardır.