ağıllı qız idi, o olmasaydı kim bilir Sevinc nə hallara düşərdi. Sevincin elə başına nə gəlsə ilk olaraq Arzudan məsləhət alardı. Bu gün də görünür vəziyyət elə alınacaq.

Arzu əlində iki fincan Sevincə tərəf yaxınlaşdı, fincanın birini masanın üstünə qoyub, təbəssüm edərək “Buyurun xanım, başqa arzunuz?” dedi, Sevinc özünü saxlaya bilmədi və güldü. Artıq araları düzəlmiş sayılırdı, ona görə Arzu Sevincin dərdini anlamağa çalışdı.

- Hə, de görək nə olub sənə.
- Heç nə, olur arada...
- Yox, nəsə olub. Sevgilinlə nəsə problemmi var? Doğrudan, Orxanı nə qədər vaxtdır buralara gələn görmürəm.
- Sən də elə həmişə yaralı yerdən vurursan. Məsələ odur, biraz qarma-qarışıq.
- De, onsuz indi tərcümə ediləsi yazımız yoxdur, bekarçılıqdır, vaxtdan çox nəyimiz var?!
- Bilirsən, Orxandan xoşum gəlir. Həm də çoxdandır görüşüb eləyirik və məni də sevir. Amma bu yaxınlarda bir oğlanla tanış oldum. Adı Turaldır. Çox gözəl oğlandır, yaxşı ailədən, maşını da var, mağazası var, ora nəzarət eləyir. Elə bura yaxın bir yerdədir. İndi biraz qərarsızlıq içindəyəm və... , - Sevinc burada biraz dayandı, görünür Arzunun söz almağını gözləyirdi.
- Və mənim məsləhətimə ehtiyacın var, - deyə Arzu Sevincin cümləsini tamamladı.
- Hə, onun kimi bir şey. Ən yaxşı rəfiqəmin məsləhətinə ehtiyacım var.
- Ayrıl Orxandan, ol Turalla.
- Amma... Sən..., - Sevinc bir anlıq nə deyəcəyini bilmədi.
- Hə, bilirəm, mən biraz beləyəm. Birbaşa fikrimi deyirəm, amma bu ən yaxşıdır. Daha doğrusu, ən yaxşısı o olardi ki, Orxandan ayrılıb biraz gözləyərdin. Çünki sən heç özün nə istədiyini bilmirsən.
- Bəs sən Orxanın yaxşı oğlan olduğunu deyirdin axı, niyə birdən-birə “Orxandan ayrıl” deyirsən?, - Sevinc hələki Arzunu anlamağa çalışırdı.
- Əgər iki insan arasında seçim etmək istəyirsənsə həmişə ikincini seç. Niyəmi? Çünki birincini sevsəydin, ikinci heç həyatına da girməzdi.

Bu son cümlə Sevinci çox düşündürdü. Səsini çıxarmadı, susdu. Onsuz nə deyə bilərdi ki?! Arzu həmişəki kimi