suyun dibinin rəngi ilə inanılmaz ahənglik daşıyırdı.Fərq bunda idi ki,gözlərinin parıltısı qaranlıq suda sanki gecədə arzusunu gözləyən və bu an axmağa hazır olan bir cüt ulduza bənzəyirdi.Belinin nəmliyi belə hiss edilməyəcək torpağa dəydiyində artıq dibə çatdığını hiss elədi.Arada burnunda hava qabarcıqları çıxır və ən sürətli cins atlar kimi suyun səthinə tələsirdi.Onlar qəribə hərəkətlərlə,qıvrıla -qıvrıla yüksəlirdilər.Onun baxışlarında olduğu yerdən asılı olmayaraq sakitlik və məmnunluq hiss olunurdu.Fikirləşirdi...Düzü fikirləşmək üçün qeyri-adi üslub tapmışdı.Çoxları onu qınasa da,o bir səbəb gətirirdi:"Suyun altında daha aydın düşünə bilirəm."-deyə sadə və qısa cavablandırardı.
Artıq 3 dəqiqə idi ki suyun altında qalmışdı.Bir anda gözləri suyun üzərində süzülən,dalğalanan rəng topasını xatırladan saç uclarını gördü.Üzündə gülümsəmə yaranda,cəld hərəkətlə dikəlib yuxarı üzməyə başladı.Arıq,amma atletik bədəni suyun içində balıq bədəni kimi hərəkət edirdi,cəld və bir səmtə.Səthə çatdıqda bir əlini qabağa uzatdı və suda üzən saçları barmaqlarının ucu ilə tutdu.Saçın sahibi yerindən tərpənmədi,osa hələ də sudan çıxmamışdı,yavaş-yav aş nəfəsini buraxırdı həm də gülümsəyirdi və birdən sudan çıxdı.Gülümsəmə səsləri,suyun şappıltısı ilə qarışdı.
--4 dəqiqə...Getdikcə artırırsan.-o gülümsədi.
--Belə etdiyimdə ilk reaksiyan daha ürək açan idi.-o yavaş-yavaş göldən çıxmağa başladı.Qız ona dəsmalı uzatdı.
--Yenə nə fikirləşirdin.Düzünü desəm qəribə seçimlərin var
--...-Emin arxaya çevrilib qızı başdan ayağa süzərək-Əla bilirəm-dedi və gülümsədi.
Gözlədiyi cavab idi,ona görə heç nə demədən yavaş-yavaş oğlanın gölə tullandığı qayanın başına çıxmağa başladı.Ucuna çatanda oturdu və ayaqlarinı salladı.Belindən də aşağıda olan dalğalı kürən saçları...Kürən də demək olmazdı,sanki bütün ehtirası ilə dilimlənən alovu xatırladırdı.Küləkdə dalğalandıqda sanki arxasında dayanan birinə həmin an istilik bəxş edəcək kimiydi saçları.Saçlarını yığmağı sevməzdi,hər zaman