1. İmam Cəfər Sadiqdən (ə.) “Namaz halında olan şəxs, özündən iyini və səsini duymadığı bir yel çıxdığını başa düşərsə, nə etməsi lazımdır” soruşduqda, İmam (ə.): “Dəstəmazını və namazını yenidən əmələ gətirməlidir. Bunu qəti olaraq bildikdən sonra qıldığı namaza etina etməməlidir.”-cavabını vermişdir. (Biharul-Ənvar, c.84,s.272; Əl-Vəsail, c.4,s.1242);

2. İmam Cəfər Sadiq (ə.) belə buyurmuşdur: “Qəsdən danışmaq namazı batil edir, amma unutqanlıq üzündən danışmağın bir eybi yoxdur.” (Əl-Vəsail, c.4, s.1275);

3. Sumaə deyir: İmam Cəfər Sadiqdən “Namaz əsnasında özünə salam verilən şəxsin nə etməsi lazım olduğunu soruşdum.” İmam (ə.): “O da: “Salamun aləykum”-deyə cavab versin və: “Aləykumus səlam”-deməsin. Çünki Allahın Rəsulu (s.a.a.) namaz əsnasında özünə salam verən Əmmara belə cavab vermişdir”-deyə buyurdu. (Füru-ul Kafi, c.3, səh.366; Əl-Vəsail, c.4, s.1265);

4. İmam Cəfər Sadiq (ə.) belə buyurmuşdur: “Gülümsəmək namazı pozmaz, amma qəhqəhəylə gülmək namazı batil edər.” (Füru-ul Kafi, c.3,s.364; Biharul-Ənvar, c.84,s.282; Əl-Vəsail, c.4, s.1253);

5. İmam Cəfər Sadiqdən (ə.) “Namazda ağlamaq namazı batil edirmi?”-deyə soruşduqda, İmam (ə.): belə cavab vermişdir: “Cənnət və ya cəhənnəmi xatırlamaq nəticəsində ağlayarsa, bu namazda edilən əməllərin ən fəzilətlisidir. Bir ölənini xatırlamaq nəticəsində ağlayarsa namazı batildir.” (Əl-Vəsail, c.4, s.1251);

6. İmam Muhəmməd Baqir (ə.) belə buyurmuşdur: “Namazda sağa sola donmək, namazı batil olmasına səbəb olar.” (Əl-Vəsail, c.4, s.1249);

7. İmam Cəfər Sadiq (ə.) isə belə buyurmuşdur: “Əgər namazda danışar və ya üzünü qiblədən çevirərsənsə namazını yenidən qıl.” (Əl-Vəsail, c.4,s.1275).