MOBİL RABİTƏ BAL ARILARINI MƏHV EDİR

Hind alimləri müəyyən etmişlər ki, mobil rabitə qüllələri və mobil telefonların özləri tərəfindən şüalandırılan elektromaqnit dalğaları bal arıları üçün ciddi təhlükə mənbəyidir.

Mütəxəssislər apardıqları təcrübə nəticəsində müəyyən etmişlər ki, arı populyasiyalarının (sayının) azalmasının səbəbi ətrafda mobil rabitə qüllələrinin olmasıdır. Qüllələr tərəfindən şüalandırılan dalğalar işçi arıların navigasiya vərdişlərinə, başqa sözlə, səmti tapmaq bacarıqlarına mənfi təsir göstərir, bu arılar isə, məlum olduğu kimi, bal ailələrinin həyat fəaliyyətinin təmini üçün zəruri olan çiçək şirəsinin toplanmasına görə cavabdehdirlər. Nəticədə, arılar yuvalarına qayıda bilmir və 10 gün ərzində məhv olurlar.