Bir gün qiymət qalxır,bir gündə maaş,
Demək ki,qalxırıq biz yavaş-yavaş,
Sabah çörək üstə başlasa savaş,
Narahat olmayın öyrəşərik biz
Onsuz hər bir şeyə öyrəşmişik biz.

Maraqlı aqibət gözləyir bizi,
Verdik Qarabağı,verdik Təbrizi,
Tanrı qurutsada mavi dənizi,
Narahat olmayın öyrəşərik biz
Onsuz hər bir şeyə öyrəşmişik biz.

Metroda sürüşüb yıxıldıq yenə,
Düşməni ocaqda saxladıq yenə,
Rüşvəti rüşvətlə alsaqda yenə
Narahat olmayın öyrəşərik biz
Onsuz hər bir şeyə öyrəşmişik biz.

Qazinin naləsi göylərə qalxsa,
Tanrıda bizlərə qəzəblə baxsa,
Məmurlar havanı pul ilə satsa,
Narahat olmayın öyrəşərik biz
Onsuz hər bir şeyə öyrəşmişik biz.

Dinmədik dilləri dinməz etdilər,
Qəzəbli qisası sönməz etdilər,
Gəlib uçurumda sona yetdilər,
Axı nə vaxtacan öyrəşərik biz?!
Axı nə vaxtacan öyrəşərik biz?!