r anayam. Amma xeyir. Gündə evə içkili gələn, qumarda ailəsinin ruzisini uduzan atadan oğul övladına nə tərbiyə verə bilər ki?
Onu sevirəm, bəli bu gülməli səslənə bilər. Amma bacarmıram, dağılmış ailəmi yalnız xatirələrimdə yaşadıram.
Deyəsən payızın gəlməsi ilə nostalji anlara qapılmışam. Qarşıdan qış fəsli gəlir. Qar yağacaq, dənizlər, göllər donacaq. Amma mənim ürəyim donmayacaq. Kaş ki, donub açılsa, və sən də ordan buzların əriyib torpağa qovuşduğu tək yoxa çıxsan. Hər gün gözümün önündəsən, sənin nəfəsin, sənin bir parçan gözümün önündədir. Özün yanımda yoxsan, amma, canımın içindəsən, elə bil şeytansan, çıxmaq istəmirsən, qəlbimdə oturaraq mənə zülm edirsən.

**************

Qəlbimin içindən vurdun,
Səni də qəlbindən vurar birisi.
Sən mənim sevdama tələlər qurdun
Sənə dar ağacı qurar birisi.
- KəNan M.M.-

Bəli, artıq Mehrinin ayrılmağından aylar keçirdi. Təkliyə öyrəşmişdi, həyatı isə davam edirdi. Ömərdən isə bəzən qulağına söz-söhbətlər gəlirdi. Hərdən eyvanda oturar, özünü günahlandırardı. Niyə her şeyi biləndə özü onu tərk etmədi? İndiyədək yadındadır, Ömər ona ailəli olub boşandığını deyəndə, hələ üstəlik oğlunun varlığı barədə deyəndə şok olmuşdu. Uzun müddət xəbərə inana bilmədi. Amma nəticədə Ömərin dürüstlüyünə inanıb, onu bağışlamışdı. Mehriyə görə deyildi, gündə birini sevib, sonra ayrılaraq sevdiyini yenisi ilə əvəzləmək. Mehri kimilərə ruslar «монолюб» deyirdilər. Ay Allah, hələ Ömərə görə nə qədər pullar sərf etmişdi. Onun düzələcəyinə inanırdı. O isə iş qurmaq adıyla, varlanaraq, Mehri ilə ailə quracaqlarını və heç kimin bu sevgiyə mane ola bilməyəcəyini vəd edirdi. Nəticədə isə.....
- O yoxdur. Yarıda qalan qırıq bir qəlb və xatirələr, həmçinin qumarda uduzulan Mehrinin pulları var.

Bəs, Ömər Mehri ilə ayrıldıqdan sonra necə olmuşdu? Ömərin heç nə vecinə deyildi. Gündə içib sərxoş olur, yoldaşının və oğlunun şəklinə baxaraq ağlıyırdı. Həyatda itirdiklərinə yanırdı. Leylanın onu sevmədiyini düşünür və bununla da