k edəsən və qiymətləndirəsən səni sevən insanı.

Ömər artıq növbəti hədəfini seçmişdi. Sosial şəbəkələrdən birində övladı olan bir qadın. Ömər xüsusən də evli qadınların xəyanətini sevməzdi. Mundar sayırdı belə qadınları. İlahə də onun üçün növbəti exlaqsız idi. İlahənin pulu və bədəni lazım idi Ömərə. İlahə isə hər şeydən xəbərsiz Ömərin şirin dilinə inanırdı. Yoldaşında tapmadığı sevgini onun verə biləcəyini düşünürdü.

Adım İlahədir. 27 yaşım var. Ərdəyəm. Artıq 6 ildir ki, bu həyatı sevmədiyim biri ilə bölüşürəm. Övladımız var. Ərim qayğıkeş, səxavətli və pul qazanandır. Di gəl ki, nə fayda. Sevmirəm onu, sevə bilmirəm və sevmək istəmirəm də. Ona hörmət edirəm, qayğısını çəkirəm, əsl arvad necə olmalıdırsa mən də o cürəm. Amma bu həyat deyil, mən də sevmək və sevilmək istəyirəm. Qarşılıqlı sevgi istəyirəm. Ömər məhz mənim sevə biləcəyim bir kişidir. Ondan ötrü canımı verməyə hazıram. Bilirəm ki o da məni sevir. Nə olsun ki, mən ailəliyəm. Bu heç nəyi dəyişmir. Ömərdən xəyanət görsəm, onu itirsəm bax onda başqa itirməli heç nəyim olmayacaq.
Yazıq balam. Sənə də vaxt ayıra bilmirəm. Məni qınayacaqsan böyüyəndə, yalnız özün sevdikdən sonra başa düşəcən, anlayacan ki, sevgisiz “ailə” heç də ailə deyil, sadəcə hissiyyatsız insanların bir yerə toplaşdığı bir məkandır. Gündəlik vəzifələr toplusudur, hansı ki, etməyə məcbursan. Sən də yalnız məntiqin, lazım olduğu üçün qurulan ailənin bəhrəsisən. Amma səni sevirəm, çünki sən mənim canımın bir parçasısan.


**************

Həyatda çox andlar, söz vermələr eşitmişəm, amma eşitdiklərimdən ən yaxşısı SAKİTLİK olub. O sakitlik ki, orada yalan yoxdur.

Bədbəxtliyimizi də, xöşbəxtliyimizi də çox şişirdərik. Əslində isə nə dediyimiz kimi bədbəxt, nə də söylədiyimiz qədər xöşbəxtik. Bu gün məhkəmədə Ömərlə rastlaşacağıq. Aradan keçən bunca müddətdən sonra gözlərimiz bir-biri ilə toquşacaq. Bir-birimizin gözündə ötən günləri yada salacağıq. Yada salınanlar kimimizi incidəcək, kimimizi yandıracaq, kimimizi də