HəzrətIMAM Əli Əleyhissəlam buyurmuşdur:

Əgər namaz qılan şəxs rəbbinin sonsuz rəhmətinin onun üzərinə necə şamil olduğunu bilsəydi hec vaxt başını səcdədən qaldırmazdı.

Oruc yalnız yemək və içməkdən qalmaq deyildir. Bu, Allahın xoşu gəlmədiyi bütün şeylərdən uzaq olmaq deməkdir.

Həcc yolunda xərclənən bir dirhəm min dirhəmə bərabərdir.

Allahın rəhməti Onu yad etməklə nazil olar.

Dua vasitəsi ilə bəla aradan qalxar.

İki nemətin qədrini onu əldən verən şəxsdən başqa bir kimsə bilməz: sağlamlığın və cavanlığın.

Allahın itaətinə səbr etmək, Onun əzabına səbr etməkdən daha asandır.

Ləzzətlərin gedəcəyi və günahların qalacağı yadınızda olsun.

Başqalarının ölümünü gördüyü halda öz ölümünü unudan kəsə təəccüb edirəm.

Din qardaşı ac olan halda mömin tox olmaz.

O şəxsə təəccüb edirəm ki, yaxşı bir sifətə görə tərifləndikdə sevinir, halbuki, bu sifətə malik olmadığını bilir.

Ən şiddətli cəza, yaxşılığın müqabilində pislik edən şəxsə çatacaq.

İmanın ən möhkəm bağları Allaha görə dostluq və Allaha görə düşmənçilikdir.

Xoşagəlməz işlərin müqabilində özünü səbrə vadar etmək qəlbi gücləndirir.

Günahkarlarla dostluq etməkdən çəkin, çünki pislik pisliyə bağlanar.

Ruzini, sədəqə verməklə başınızın üzərinə endirin.

Nadan, qoca olsa da uşaqdır, alim isə yeniyetmə olsa da böyükdür.

Daim sakitliyi seç ki, onun ən az faydası salamat qalmağındır.

Əcəli çatdığı halda, mal toplamaqda olan bədbəxt nə çoxdur.

Camaat içində birinə nəsihət vermək danlaqdır, nəsihət deyil.

Tövbə ilə özünüzü ətirləyin ki, günahların pis qoxusu sizi rüsvay etməsin.

Bu islam, Allahın dinidir. Onu özü üçün seçdi.. və onun əsaslarıyla azğınlığın əsaslarını viran qoydu.

İzzət istəyirsənsə, onu Allaha itaətdə axtar.

İnsanların ən ağıllısı öz eybini görüb, başqalarının eybinə kor olan kəsdir.

Qəlbi Allaha müti olan şəxsin cismi Allaha itaətdən yorulmaz.

Həcc qəlblərə rahatlıq bəxş edər.

Nəfs mübarizə ilə islah olunar.

Nəfsini