daşıyır.

Yuxarıdakı prinsiplərdən əlavə, qanunun dördüncü maddəsində göstərilir:

– Dövlət orqanlarında siyasi partiyaların və ictimai birliklərin strukturları yaradılmır;

– Dövlət qulluqçuları vəzifə borclarını yerinə yetirərkən Azərbaycan Respublikası Konstitusiyasını qanunlarını və onlara müvafiq olaraq qəbul edilmiş digər qanunvericilik aktlarını rəhbər tuturlar və siyasi partiyaların və ictimai birliklərin qərarlarının onlara dəxli yoxdur.

Son iki prinsip dövlət qulluqçularının müxtəlif ictimai birliklərlə bağlı münasibətləri müəyyən edir. Dövlət orqanlarında həmkarlar ittifaqları istisna olmaqla siyasi partiyaların, dini və ictimai birliklərin strukturları yaradıla bilməz. Vəzifə səlahiyyətlərini yerinə yetirərkən dövlət qulluqçuları Azərbaycan Respublikasının Konstitusiyasını və normativ-hüquqi aktlarına uyğun olaraq fəaliyyət göstərməlidirlər. Dövlət qulluqçuları öz vəzifə səlahiyyətlərini həyata keçirərkən partiya, siyasi hərəkat və digər ictimai birliklərin qərarlarına uyğun olaraq hərəkət edə bilməzlər.

Bununla belə, dövlət qulluqçuları da Azərbaycan Respublikasının hər bir vətəndaşı kimi istənilən dinə mənsub olub, siyasi partiya üzvlüyündə müstəqil seçimə malikdirlər. Lakin dövlət qulluqçuları rəsmi olaraq heç bir yerdə özlərinin mənsub olduğu hər hansı partiya, hərəkat və ya birlik haqqında açıqlama verməməlidirlər. Dövlət qulluqçuları onlardan azad olmalıdırlar.



Dövlət qulluğuna qəbul üçün

lazım olan sənədlər toplanması

Dövlət qulluğuna qəbul edilmək üçün vətəndaşlar (bundan sonra - namizədlər) müsabiqə elan edilən gündən etibarən 30 gün ərzində aşağıdakı sənədləri Komissiyaya təqdim edirlər:

1. ərizə;

2. şəxsiyyəti təsdiq edən sənədin surəti;

3. kadrlar uçotunun şəxsi vərəqəsi;

4. ali təhsil haqqında sənədin surəti;

5. əmək kitabçasının surəti (olduğu halda);

6. ixtisas dərəcəsini təsdiq edən sənədlərin surəti (olduğu halda);

7. sağlamlıq haqqında arayış;

8. dövlət qulluqçularının bəzi