a təsdiq edilmiş formada arayış verilir.

“Dövlət qulluğu haqqında” Azərbaycan Respublikası Qanununun 29.3-cü maddəsinin ikinci hissəsinə uyğun olaraq keçirilən müsahibənin nəticəsi barədə arayış namizədə müsahibənin keçirildiyi gündən 2 gün müddətində verilir.

8. Müsahibənin nəticəsi ilə razı olmayan namizəd həmin nəticələr Komissiyanın rəsmi internet saytında yerləşdirildiyi gündən və ya “Dövlət qulluğu haqqında” Azərbaycan Respublikası Qanununun 29.3-cü maddəsinin ikinci hissəsinə uyğun olaraq keçirilən müsahibənin nəticəsi barədə arayış namizədə təqdim edildiyi gündən 10 iş günü müddətində Komissiya tərəfindən təşkil edilmiş apellyasiya komissiyasına şikayət verə bilər. Eyni zamanda müsahibə qrupunun (komissiyasının) üzvü müsahibənin keçirilməsinin obyektivlik və şəffaflıq prinsiplərinin pozulduğunu hesab etdiyi halda apellyasiya komissiyasına şikayət verə bilər. Şikayətə 7 iş günü müddətində baxılıb, müvafiq qərar çıxarılır. Qərar namizədə 3 iş günü müddətində verilir. Namizəd bu qərardan qanunvericilikdə müəyyən edilmiş qaydada şikayət verə bilər.

9. Bu Qaydalar təsdiq edildiyi gündən qüvvəyə minir.



Dövlət orqanlarında dövlət qulluğuna qəbul ilə bağlı

keçirilən test imtahanları üçün test nümunələrinin

hazırlanması və ekspertizası

QAYDALARI

1. Bu Qaydalar “Dövlət qulluğu haqqında” Azərbaycan Respublikası Qanununun 28-ci maddəsinə və Azərbaycan Respublikası Prezidentinin 2009-cu il 24 iyun tarixli 108 nömrəli Fərmanı ilə təsdiq edilmiş “Dövlət orqanlarında dövlət qulluğuna müsabiqə vasitəsilə qəbul Qaydaları”nın 8-ci bəndinə əsasən hazırlanmışdır və dövlət orqanlarında inzibati vəzifələrin altıncı-doqquzuncu təsnifatlarına uyğun olan vəzifələr üzrə dövlət qulluğuna qəbul məqsədi ilə keçirilən test imtahanları üçün test nümunələrinin (tapşırıqlarının) hazırlanması və ekspertizası qaydalarını müəyyən edir.

2. Test imtahanı namizədlər tərəfindən test tapşırıqlarının yerinə yetirməsini nəzərdə tutur. Test imtahanında namizədlərə