l toplamış və ya imtahan nəticəsi ləğv edilmiş namizəd imtahan verdiyi gündən altı ay sonra müsabiqələrdə iştirak edə bilər.

Azərbaycan Respublikasının Prezidenti yanında Dövlət Qulluğu Məsələləri üzrə Komissiya sədrinin 2010-cu il “22” fevral tarixli 05 nömrəli əmri ilə təsdiq edilmişdir.



Test imtahanında iştirak edən namizəd barədə

TƏLİMAT

I. Ümumi müddəalar

1. Bu Təlimat Azərbaycan Respublikası Prezidentinin 2009-cu il 24 iyun tarixli 108 nömrəli Fərmanı ilə təsdiq edilmiş “Dövlət orqanlarında dövlət qulluğuna müsabiqə vasitəsilə qəbul Qaydaları”nın 8-ci bəndinə və Azərbaycan Respublikasının Prezidenti yanında Dövlət Qulluğu Məsələləri üzrə Komissiya sədrinin 2009-cu il 1 oktyabr tarixli 251 nömrəli əmri ilə təsdiq edilmiş “Dövlət orqanlarında dövlət qulluğuna qəbul üzrə test imtahanının təşkili, keçirilməsi, qiymətləndirilmənin aparılması və inzibati vəzifələrin təsnifatı üzrə keçid ballarının müəyyən edilməsi Qaydaları”nın 9-cu bəndinə uyğun olaraq hazırlanmışdır və test imtahanında (bundan sonra – imtahan) iştirak edən namizədin (bundan sonra – namizəd) hüquq və vəzifələrini, həmçinin namizədə dair qadağaları müəyyən edir.

II. Namizədin hüquqları

2. Namizədin hüquqları aşağıdakılardır:

2.1. nəzarətçilərdən imtahanın keçirilməsi ilə əlaqədar təlimatlarla bağlı müvafiq aydınlıq gətirilməsini tələb etmək;

2.2. imtahan testinə daxil olan test tapşırıqlarını istənilən ardıcıllıqla cavablandırmaq;

2.3. imtahan zamanı yaranmış, habelə test tapşırıqları ilə bağlı texniki problemlərin aradan qaldırılmasını tələb etmək;

2.4. namizədlər, nəzarətçilər, administrator və imtahan prosesində iştirak edən digər şəxslər tərəfindən imtahanın təşkili və keçirilməsi ilə bağlı qaydalar və təlimatlar (bundan sonra – müvafiq olaraq qaydalar və təlimatlar) pozulduğu halda imtahan rəhbərinə müraciət etmək;

2.5. imtahan rəhbəri tərəfindən qaydalar və təlimatlar pozulduğu halda Komissiyanın rəhbərliyinə məlumat vermək;

2.6. imtahanı