müəyyən edilmiş vaxtdan tez başa çatdırmaq;

2.7. imtahanın nəticəsinə dair arayış almaq.

III. Namizədin vəzifələri

3. Namizədin vəzifələri aşağıdakılardır:

3.1. şəxsiyyətini təsdiq edən sənədi nəzarətçiyə təqdim etməklə qeydiyyatdan keçmək və imtahan zalında müəyyən edilmiş yerdə oturmaq;

3.2. imtahan zalında sakitliyə riayət etmək;

3.3. imtahanı müəyyən edilmiş vaxtdan tez başa çatdırdıqda imtahan zalını tərk etmək;

3.4. imtahan personalının imtahanın keçirilməsi ilə əlaqədar tələblərini yerinə yetirmək;

3.5. qaydalara və təlimatlara riayət etmək.

Namizədlər barədə müəyyən edilmiş qadağalar

Namizədə aşağıdakılar qadağandır:

1. Komissiya tərəfindən imtahan zalına gətirilməsi qadağan edilmiş, imtahan testinin cavablandırılması üçün istifadə edilə biləcək və ya imtahanın gedişinə mane ola biləcək vasitələri imtahan zalına keçirmək;

2. qaydalar və təlimatlarda nəzərdə tutulmuş hallar istisna olmaqla imtahan testi ona təqdim edildikdən sonra imtahan zalını tərk edərsə, imtahan zalına qayıtmaq;

3. digər namizədə kömək etmək və ya onun köməyindən istifadə etmək;

4. imtahan prosesinə mane olan hərəkətlərə (danışmaq, imtahan zalında gəzmək və s.) yol vermək;

5. imtahan zamanı zalda yerini dəyişmək;

6. digər namizədin imtahan testinə baxmaq və ya namizədlərin onun imtahan testinə baxmasına şərait yaratmaq.



İmtahan prosesində iştirak edən digər

şəxslər barədə

TƏLİMAT

1. Bu Təlimat Azərbaycan Respublikası Prezidentinin 2009-cu il 24 iyun tarixli 108 nömrəli Fərmanı ilə təsdiq edilmiş “Dövlət orqanlarında dövlət qulluğuna müsabiqə vasitəsilə qəbul Qaydaları”nın 8-ci bəndinə və Azərbaycan Respublikasının Prezidenti yanında Dövlət Qulluğu Məsələləri üzrə Komissiya sədrinin 2009-cu il 1 oktyabr tarixli 251 nömrəli əmri ilə təsdiq edilmiş “Dövlət orqanlarında dövlət qulluğuna qəbul üzrə test imtahanının təşkili, keçirilməsi, qiymətləndirilmənin aparılması və inzibati vəzifələrin təsnifatı üzrə keçid