hallarda müvafiq qərar qəbul etmək;

8. imtahan personalının qeydlərinin imtahan protokoluna daxil edilməsini və müşahidəçilərin qeyd və təkliflərinin protokola əlavə edilməsini təmin etmək;

9. namizədlərin test tapşırıqları ilə əlaqədar texniki problemlər və təlimatların pozulması ilə bağlı müvafiq qeydlərinin imtahan protokoluna daxil edilməsini təmin etmək;

10. zərurət olduqda imtahanın nəticəsi ilə bağlı apellyasiya şikayətinə baxılması üçün müvafiq məlumatları apellyasiya komissiyasına vermək.

Nəzarətçilərin vəzifələri

Nəzarətçilərin vəzifələri aşağıdakılardır:

1. namizədlərin şəxsiyyətini təsdiq edən sənədi yoxlamalı, onların qeydiyyatdan keçməsini təmin edərək, yerləşdirilmə siyahısı üzrə imtahan zalında yerləşdirmək;

2. namizədləri qaydalar, onların hüquq və vəzifələri, müəyyən edilmiş qadağalar haqqında məlumatlandırmaq;

3. namizədlər, administrator və digər şəxslər tərəfindən qaydalara və təlimatlara riayət edilməsinə nəzarəti həyata keçirmək;

4. namizədlər, administrator və digər şəxslər tərəfindən qaydalar və təlimatlar pozulduğu halda imtahan rəhbərinə məlumat vermək;

5. zərurət olduqda təhlükəsizliyi təmin edən şəxsləri imtahan zalına dəvət etmək (imtahan rəhbəri imtahan zalında olmadıqda);

6. imtahan rəhbəri tərəfindən qaydalar və təlimatlar pozulduğu halda Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın (bundan sonra - Komissiya) rəhbərliyinə məlumat vermək;

7. bu Təlimatda nəzərdə tutulmuş hallarda imtahan rəhbərinin vəzifələrini yerinə yetirməli və onun barəsində müəyyən edilmiş qadağalara riayət etmək;

8. namizədin imtahanı başa çatdırdıqdan sonra digər namizədlərə mane olmadan imtahan zalını tərk etməsini təmin etmək;

9. fors-major hallarda imtahan rəhbərinə məlumat verməli və bu halların aradan qaldırılması üçün müvafiq tədbirlər görmək;

10. imtahan protokolunun tərtibində iştirak etməli və müvafiq qeydlər olduğu halda həmin qeydləri imtahan