təmin edən şəxslərin vəzifələri aşağıdakılardır:

1. imtahanın keçirilməsi zamanı təhlükəsizliyin təmin edilməsi üçün zəruri tədbirləri görmək;

2. namizədlərdən, nəzarətçilərdən, administratordan və digər şəxslərdən qadağan edilmiş vasitələri təhvil almaq;

3. qadağan edilmiş vasitələri təhvil vermədiyi halda namizədləri, nəzarətçiləri, administratoru və digər şəxsləri imtahan zalına buraxmamaq;

4. imtahan zalına daxil olmaq üçün gözləyən namizədlərin sakitçiliyə riayət etməsini təmin etmək;

5. namizədlərin imtahan zalına növbə ilə buraxılmasını təmin etmək;

6. imtahan rəhbərinin və nəzarətçilərin dəvəti ilə imtahan zalına gəlməli, zərurət olduqda qaydaları və təlimatları pozan namizədlərin, nəzarətçilərin, administratorun və digər şəxslərin imtahan zalını tərk etməsini təmin etmək;

7. qaydalar və təlimatlarda nəzərdə tutulmuş hallar istisna olmaqla imtahan zalını tərk etmiş namizədin imtahan zalına qayıtmasına yol verməmək;

8. zərurət olduqda imtahanın nəticəsi ilə bağlı apellyasiya şikayətinə baxılması üçün müvafiq məlumatları apellyasiya komissiyasına vermək;

9. imtahan rəhbərinin və nəzarətçilərin göstərişlərini yerinə yetirmək.

Müşahidəçilərin vəzifələri

Müşahidəçilərin vəzifələri aşağıdakılardır:

1. qaydalar və təlimatlar pozulduğu halda müvafiq olaraq imtahan rəhbərinə və ya nəzarətçilərə məlumat vermək;

2. imtahan rəhbərinin və nəzarətçilərin göstərişlərini yerinə yetirmək;

3. müşahidəçi vərəqinə müvafiq qeydlərini daxil etmək;

4. zərurət olduqda imtahanın nəticəsi ilə bağlı apellyasiya şikayətinə baxılması üçün müvafiq məlumatları apellyasiya komissiyasına vermək.

Tibbi və texniki heyətin vəzifələri

Tibbi heyətin vəzifələri aşağıdakılardır:

1. namizədlərin, imtahan personalının və digər şəxslərin səhhəti ilə bağlı problemlər olduqda müvafiq olaraq imtahan rəhbərinin və ya nəzarətçilərin dəvəti ilə imtahan zalına gəlməli və həmin şəxslərin səhhəti ilə bağlı yaranmış problemlərin həll edilməsi üçün