u məqsədlə qarşılıqlı fəaliyyət göstərmək.

İkincisi, dövlətin mahiyyəti, hakimiyyətin bölünməsini əks etdirən prinsiplərdir. Məsələn, Azərbaycan Respublikasının Konstitusiyasının 7-ci maddəsinin III bəndi Azərbaycanda hakimiyyətin bölünməsi prinsipidir.

Üçüncüsü, insan və vətəndaş hüquq və azadlıqlarında əks olunan cəmiyyətin təşkili əsaslarını təyin edən prinsiplər. Azərbaycan Respublikasının Konstitusiyasının III fəsli əsas insan və vətəndaş hüquq və azadlıqlarına həsr olunmuşdur.

Dördüncüsü, dövlət hakimiyyətinin təşkili və fəaliyyət göstərməsini müəyyən edən prinsiplər. Azərbaycan Respublikasının Konstitusiyasının V (Qanunverici hakimiyyət), VI (İcra hakimiyyəti) və VII (Məhkəmə hakimiyyəti) fəsilləri dövlət hakimiyyətinə həsr olunub.

Təşkilati-funksional prinsiplər isə dövlət qulluğunun, dövlət aparatı və onun strukturlarının təşkil olunması və fəaliyyət göstərməsi, idarəetmə əməyinin bölünməsi, dövlət orqanlarında inzibati fəaliyyətin səmərəlilik mexanizmlərini əks etdirirlər.

Dövlət qulluğunun təşkili və fəaliyyət göstərməsi nöqteyi nəzərdən dövlət qulluğu prinsiplərini iki qrupa bölmək olar: dövlət qulluğunun təşkili prinsipləri və dövlət qulluğunun praktiki fəaliyyət prinsipləri.

Qeyd etmək lazımdır ki, bütün dövlətlərdə dövlət qulluğu prinsipləri eyni deyildir. Məsələn, Rusiya Federasiyasında dövlət qulluğu prinsiplərinə aşağıdakılar aid edilir:

– Dövlət qulluqçularının vəzifə səlahiyyətlərinin həyata keçirilməsi zamanı Rusiya Federasiyası Konstitusiyasının və federal qanunların digər normativ hüquqi aktlar üzərində üstün mövqeyi;

– İnsan və vətəndaş hüququ və azadlıqlarının üstünlüyü prinsipi;

– Dövlət hakimiyyəti sisteminin vahidliyi, Rusiya Federasiyası və Rusiya Federasiyası subyektlərinin idarəetmə predmetlərinin fərqləndirilməsi prinsipi;

– Hakimiyyətin qanunverici, icra və məhkəmə hakimiyyətinə bölünməsi prinsipi;

– Vətəndaşların bacarıq və professional hazırlığının nəzərə alınması ilə dövlət qulluğuna girməkdə