yerinə yetirilməsinə nəzarət etməkdir.

4. yuxarı dövlət orqanlarının və vəzifəli şəxslərin öz səlahiyyətləri hüdudlarında qəbul etdikləri qərarların aşağı dövlət orqanları və vəzifəli şəxslər tərəfindən mütləq yerinə yetirilməsi;

Ədəbiyyatlarda bu prinsipi “nəzarət altında və tabeçilikdə olma prinsipi” də adlandırırlar. Bu prinsip aşağıdakı vacib məsələləri müəyyən edir:

- yuxarı dövlət orqanları və rəhbərlərinin qəbul etdiyi qərarların aşağıda duran dövlət qulluqçuları tərəfindən yerinə yetirilməsi mütləqdir;

- bu qərarlar qanuni olmalıdır, yəni müəyyən subyektlər tərəfindən onların səlahiyyətləri və səriştəsi daxilində qəbul edilməli və qanuna zidd olmamalıdır.

Bu prinsipin əsasını ənənəvi idarəetmə prinsipi təşkil edir: strukturda iyerarxiyanın olması, dövlət orqanlarının səlahiyyətlərinin dəqiq bölünməsi və müəyyən edilməsi, dövlət qulluqçularının səlahiyyət, hüquq, vəzifə və məsuliyyətlərinin dəqiqləşdirilməsi, kollegiallıq və vahid rəhbərliyin təmin olunması, dövlət idarəçiliyinin sahə və sahələrarası orqanlarının qarşılıqlı əlaqəsi. Prinsipin köməyi ilə bütün dövlət aparatı strukturu qurulur və dövlət orqanları normal fəaliyyət göstərə bilirlər.

5. bütün vətəndaşların və vəzifəli şəxslərin dövlət qulluqçularının qanuni tələblərini icra etməyə və qanuni hərəkətlərini müdafiə etməyə borclu olması;

Bu prinsip bütün vətəndaşların və vəzifəli şəxslərin fəaliyyətinə aid edilir və bu prinsip iki hissəyə ayrılır:

- dövlət qulluqçularının qanuni tələblərini icra etməyə borclu olmaq;

- dövlət qulluqçularının qanuni hərəkətlərini müdafiə etməyə borclu olmaq.

6. dövlət qulluğuna girmənin şəffaflığı;

Azərbaycanda dövlət qulluğuna girmənin şəffaflığını təmin edən orqan Azərbaycan Respublikasının Prezidenti yanında Dövlət Qulluğu Məsələləri üzrə Komissiyadır. Komissiya "Dövlət qulluğu haqqında" Azərbaycan Respublikası Qanununun 2.3-cü 28.1-ci və 28.2-ci maddələrinə müvafiq olaraq mərkəzləşdirilmiş qaydada vətəndaşların dövlət