*Kirli səbət
Bir alim var idi.Bir gün bir tələbəsi yanına şikayətə gəldi və “hər dəfə dərsə gəlib getməkdən bezmişəm.çünki beynimdə heç nə qalmır.”- dedi.Alim kirli bir səbət götürüb tələbəsinə verdi bir az irəlidəki su quyusunu göstərib: “get o quyudan bu səbəti doldur gətir.”- dedi.Tələbə alimin dediyi kimi elədi.Səbəti su ilə doldurdu.Ancaq geri qayıdana qədər səbətdə su qalmadı.Alim tələbəsini 3 dəfə də suya göndərdi.Tələbə isə hər dəfə səbəti su ilə doldurur,ancaq hər dəfə də boş səbətlə geri qayıdırdı.Boş yerə suya gedib gəldiyini düşünən tələbə,nəhayət, alimin deyəcəyi son sözü gözləməyə başladı.Alimin son sözü bu idi: Əsas məsələ quyuya boş və ya dolu gedib gəlməkdə deyil,əsas məsələ quyuya gedib gəlməkdədir.Bax,suya salıb çıxardıqca səbətin də təmizləndi”


*Yarızarafat yarıgerçək

Dünya görmüş bir qocadan soruşdular:
- Ailənin başı kimdir,qadın yoxsa kişi?
Qoca cavab verir:
- Kişi başdır
- Bəs qadın nədir?
- Qadın boyundur,başı hara istəsə ora çevirir


*Sevmək və sevilmək

Bir müdrikdən:” Dünyada ən gözəl şey nədir?”- deyə soruşdular.”Sevmək”- deyə cavab verdi.”Bəs ondan sonra?” “Sevilmək”- dedi.”Niyə sevmək sevilməkdən daha gözəldir?” – deyə soruşdular.”Çünki insan sevdiyinə sevildiyindən daha çox əmindir”- dedi

*Ən gözəl nümunə

Bir gün bir alimdən soruşurlar:
- Kimdən nümunə götürək? Alimlərdə yoxsa tacirlərdən?
- Heç birindən - deyə alim cavab verir və davam edir- Ən gözəl nümunə uşaqlardır
- Axı uşaqlar heç nə bilmirlər
- Yanılırsınız. Uşaqlar hamımıza nümunə olan 3 keyfiyyətə malikdirlər.Birincisi,həmişə xoşbəxtdirlər,ikincisi nəmişə məşğuldurlar.Üçüncüsü həmişə istədiklərini necə əldə edəcəklərini bilirlər.