onları tamam başqa yerlərdə axtarırlar, amma heç vaxt orada tapa bilməzlər. Rahatlığı cənnətdə yerləşdirdim, insanlar isə onu dünyada axtarırlar. Elm və biliyi aclıqda və çalışqanlıqda qərar verdim, amma insanlar onu toxluqda axtarırlar. Hörmət-izzəti gecələr oyaq qalıb ibadət etməkdə gizlətdim, onlar isə sultanların qapısında axtarırlar. Ucalığı və məqamı təvazökarlıqda yerləşdirdim, insanlar onu təkəbbürdə axtarırlar. Duaların qəbul olma şərtini halal loğmada qərar verdim, insanlar isə onu boş-boş danışıqlarda axtarırlar. Ehtiyacsızlığı qənaətdə gizlətdim, amma insanlar onu mal-dövlətin çoxluğunda axtarırlar və heç vaxt orada tapa bilməzlər”. (Müstədrəkül-Vəsail, XII, 173). Ölüyə nə fayda verər? İmam Cəfər Sadiq (ə) buyurub: “Mömin vəfat edəndən sonra altı xüsusiyyət ona fayda verər: onun üçün istiğfar edən (günahlarının bağışlanması üçün Allaha dua edən) əməlisaleh övlad, oxuduğu Quran, qazdığı su quyusu, əkdiyi ağac, sədəqə olaraq verdiyi (yəni müsəlmanlara vəqf etdiyi) bulaq və ondan yadigar qalan, camaat tərəfindən davm etdirilən gözəl adət-ənənə”. (Biharül-ənvar, cild 71, səh. 257).