İslam müqəddəslərinin hər bir kəlamı dərin
mənaya malikdir. Bu kəlamlar müsəlmanın
həyatına işıq tutur, hər vəziyyət qarşısında nə
etməli olduğunu ona başa salır, çətinliklər zamanı
ona ümid verir, dünyada və axirətdə xoşbəxt
olmağın yollarını öyrədir. Hədislərin hamısı dəyərlidir, amma onların arasında elələri də var ki, onu oxuyan adama xüsusi mənəvi güc bəxş edir, həyata baxışını dəyişdirir. Belə hədislərin böyük bir qismi əxlaq mövzusunu əhatə edir. Əxlaqi məzmunlu hədislərin bəzilərində bir neçə cəhət qruplaşdırılaraq, ümumi şəkildə təqdim edilir. Məsələn, bir neçə savab və ya günah əməlin nəticələri ardıcıl xatırlanır, ya da cəmiyyətdə rifah yaranmasına gətirib-çıxaran və ya bəlalara səbəb olan əməllər haqqında məlumat verilir. Aşağıda bu qəbildən olan və altı əməlin birlikdə xatırlandığı hədislərdən bir neçəsini diqqətinizə təqdim edirik. Dünya və axirətdə xeyir qazanmağın yolu İmam Əli (ə) buyurur ki, bir nəfər Həzrət Mühəmməd Peyğəmbərin (s) hüzuruna gəlib dedi: “Mənə elə bir şey öyrət ki, onu etməklə Allahın sevimlisi olum, insanlar da məni çox sevsinlər. Allah mal-dövlətimi artırsın, canımı sağlam etsin, ömrümü uzatsın, qiyamət günündə də Səninlə birlikdə məhşərə gətirilim”. Peyğəmbər buyurdu: “Altı xasiyyət altı xasiyyətə möhtacdır. Əgər Allahın sevimlisi olmaq istəyirsənsə, Ondan qorx və Onun hökmlərinə münasibətdə təqvalı ol. Əgər camaatın səni sevməsini istəyirsənsə, onlara yaxşılıq et, onların əlində olanlardan gözünü çək. Əgər istəsən ki, Allah mal-dövlətini çoxaltsın, onu haramdan təmizlə (zəkatını ver). Əgər istəsən ki, Allah bədənini sağlam etsin, bunun üçün verdiyin sədəqələri artır. Əgər istəsən ki, Allah ömrünü uzatsın, qohum-əqrəba ilə mehriban ol. Əgər qiyamətdə mənimlə birlikdə məhşərə gəlmək istəyirsənə, vahid və qəhhar Allahın qarşısında ibadət edərkən səcdələri uzat”. (Səfinətül-Bihar, I, 599). Altı neməti altı yerdə axtarın Allah-təala Həzrət Musa Peyğəmbərə (ə) vəhy etdi: “Ey Musa! Altı neməti altı yerdə gizlətdim. İnsanlar