sizə yaxın insanlarla məsləhətləşin. Onlar sizi yanlışlıqlardan qoruyarlar. Zəifliklərinizi etiraf etməkdən çəkinməyin. Kimsə sizə gülməyəcək, tənqid etməyəcək.
Sənədlərlə çalışmaq, hesablamalar aparmaq məsləhət deyil. Səhv etmək riski böyükdür.
Alış-verişdə çox pul xərcləməyin. Qeyri-adi əşya alaraq əhvalınızı yaxşılaşdıra bilərsiniz.

Qız - Söhbətlər, müzakirələr və mübahisələr çox vaxt alır. Onların əksəriyyəti boş, mənasızdır. Vaxtınızı effektiv işlərə sərf edin. Məsləhətiniz tələb olmayan yerdə danışmayın. Ailə üzvlərinizdən biri ilə münasibətlərdə problem yaranacaq.
Əks cins mənsubu ilə təmaslar gərgindir. Bu günədək sizi dəstəkləyən insan indi sizə qarşıdır. Başladığınız işləri çətinliklə də olsa, bitirin. Ruhdan düşməyin, bədbinliyə qapılmayın. Az sonra sürətli irəliləyiş imkanı yaranacaq.

Tərəzi - Enerji potensialının səviyyəsi yüksəkdir. İstəsəniz, ən çətin problemi də həll edə bilərsiniz. Yardım üçün dostlar və ya qohumlara müraciət edə bilərsiniz. Onlar sizi cavabsız qoymayacaqlar. Yaxşı gəlir istisna deyil. Pulları xərcləməyə tələsməyin: məbləğ az sonra karınıza gələcək.
İdman və fiziki iş üçün əlverişli gündür. İşlər çox olsa da, yorğunluq hiss etməyəcəksiniz. Yaradıcılıq potensialı səviyyəsi günün ikinci yarısında daha yüksəkdir. Yeni ideyanı reallaşdırmağa tələsin.

Əqrəb - Birmənalı olmayan gündür. Bir tərəfdən qarşınızda maraqlı imkanlar yaranır. Digər tərəfdən inandığınız və etibar etdiyiniz insanlar problemlər yaradırlar. Bədxahların intriqasının qarşısını alın, onların məkrli planını faş edin. Bütün bunlar əhvalınızı korlaya bilər. Düşünməyin ki, əsl dostunuz qalmayıb.
Maliyyə baxımından əlverişli olmayan, ciddi itkilər riskinin yaşandığı gündür. Alış-verişdə bədxərclik etməyin.

Oxatan - Uğur və irəliləyişin çətin olduğu gündür. Ehtiyatlı olun, xırdalıqlar və təfərrüatlara diqqət yetirin. Belə olarsa, itkilərə yol verməyəcəksiniz. Kiçik ailə problemləri və məişət qayğıları əhvalınızı korlamasın. Ən adi problem yaxınlarınızla