m içimdə doğan yeni ümid tumurcuğu qışqıraraq Savalanı qucaqlamağıma səbəb oldu.
-mən sağalacam,həmiləşik bu zəhrimar xəstəlikdən qurtulacam.Sabahı səbirsizlikdə gözləyirdik,bu günə kimi bir neçə dəfə ümidlənmiş,son anda ümidlərim puça çıxmışdı deyə,bu dəfə özümü hər şeyə hazır olmağa kökləyirdim.Ancaq bu dəfə həyat mənə supriz edib,yenə umidlərimi qırmamışdı.Atamgil Fərhadla birlikdə gəlmişdilər,özdə tək yox,mənə öz iliyini verəcək insanla birlikdə.Mən onu görmək istəsəm də,Əbluc dayı bunun qanunlara zidd olduğunu deyirdi.
***
-doğurdan Firuzan Alekseyi görməmişdi?
-Alekseylə Firuzan bir almanın iki yarısı kimi idilər,bir-birilərinə əkizlər kimi oxşayırdılar,baxmayaraq ki,onların arasında on dörd yaş fərq vardı.Biz Alekseyi görəndə hamımız heyrət və təəccüb içərisində idik ki,bu qədər bənzərlik necə ola bilər?!Firuzan da Aleksey də İlqar əmiyə çox oxşayırdılar.Əbluc həkim belə məsləhət bildi ki,Alekseyi Firuzan əməliyyat qabağı görməsin,çünki bu onu narahat edəcək,beynini suallarla məşğul edəcəkdi.Ona görə də Firuzan əsl həqiqətləri əməliyyatdan sonra bildi.Əməliyyata kimi Alekseyi Savalan öz evlərində qonaq saxlamışdı,Məlahət xala hələ də İlqar əmiylə küsülü olduğundan Alekseyi də qəbul edə bilmirdi.
-bəs Savalan bu məsələdə hansı tərəfdə yer alırdı?
-heç bir tərəfdə,Savalan üçün Aleksey bir neçə günün içərisində doğma,yaxın biri ola bilməzdi,lakin onlar gözəl anlaşırdılar.Aleksey Fərhadla və Mələklə də yaxınlaşmışdı,onları tanıdıqca Firuzanı görmək istəyi artırdı,baxmayaq ki,ilk gəldiyi gün,”mən bir insanın həyatını qurtarmaq üçün gəlmişəm,başqa heç nə məndən gözləməyin” demişdi.
***
Nəhayət əməliyyat günüm gəlib çatmışdı,həyəcanlı idim,Savalan bir an olsun əlimi buraxmırdı.Məni əməliyyata hazırlamağa apacaqları andakı dialoqumuz isə ikimizi də göz yaşına boğmuşdu.Savalan alnını alnıma dayayıb,
-səni burda gözləyəcəm,mənə burda lazımsan,bunu unutma,heç olmasa bircə dəfə,cəmi bircə dəfə məni düşün.Düşün ki Savalan səninlə yaşayır,sən yaşadığın üçün