yaşayır.O xəstəlikdən rəngi solmuş dodaqlarıma incə bir öpüşlə öpub,-gözləyəcəm,-dedi.
-sənə söz verirəm,səninçün bütün gücümlə o cərrahiyə masasından sağ qalxacam.Savalan sonuncu dəfə məni öpdü.Sonra hər kəs içəri keçib mənimlə görüşdü.Məni əməliyyata hazırlayan tibb bacısı son olaraq boynumdakı sapfiri çıxarmaq istəyəndə mən onun əlini tutdum.
-xahiş edirəm,onu çıxarmayın,əgər onu çıxarsaz,mən ölə bilərəm.Sapfir mənim qoruyucumdur.
-axı buna icazə yoxdur.
-mənə Əbluc dayını çağırın,-tibb bacısı Əbluc dayını çağırdı,eyni şeyləri ona deyib,sapfiri çıxarmamalarını istəmişdim.Əbluc dayı razılaşmışdı.Geri saymağa başlamışdım,
-on,doqquz,səkkiz,yeddi,altı,beş...
Gözlərimi açanda bədənimin heç bir hissəsini hiss etmirdim,yanımda tibb bacısı var idi.Əlimi qaldırmağa çalışırdım,ancaq o tərpənmirdi.Gözlərimi o tərəf bu tərəfə fərləyirdim ki,o mənə tərəf baxsın.Deyəsən bu işə yaramışdı,tibb bacısı mənə baxıb,
-nəsə istəyirsiz?,-soruşdu.
-Saaa...
-olmaz,xanım icazə yoxdur,yəqin bayaqdan azı yüz dəfə bura gələn bəyi soruşursuz,dincəlin,özünüzü yormağın,sabah Əbluc həkim müayinələrdən sonra,yaxınlarınızın sizi ziyarət etmələrinə icazə verəcək.Sonra bilmirəm o mənə nə vurdusa yenə yuxu məni aparmışdı.Sabah oyananda isə keyləşdiricinin təsiri keçməyə başladığından mənim ağrılaşım baş qaldırırdı.Biraz sonra Əbluc dayı yanıma gəlmişdi.O məni müayinə edib,
-hələki hər şey normaldı,indi əsas olan sənin orqanızminin iliyi qəbul etməsidir,-dedi.Bu gözləmələr nə vaxt bitəcəkdi görəsən,bil ildən artıq idi gözləyirdim,daha tükənmişdim.Əbluc dayı otaqdan çıxanda gücümü toplayıb,
-Əbluc dayı,ona deyin ki,sözümü tutdum,yaxşıyam,-Əbluc dayı qapıdan gülümsəyərək çıxdı.Axşam tərəfi isə Əbluc dayı Savalan və anama iki-üç dəqiqəlik mənim yanıma gəlməyə icazə vermişdi.Onlar ikisi də bir girmişdilər qapıdan,hər ikisinin də gözləri yaşla dolu idi.
-ağlamayın,mən yaxşıyam,daha da yaxşı olacam,-desəm də elə həmin an ağrılar içində qıvrılmaq dərəcəsində idim,lakin biruzə verməməyə