QORXURAM.. ( Xanlar Corat ) Yenə gecə.. Yenə zülmət,
Yenə xəlvət...
İstəməzdim bu gecələr
sevdiyimtək qəddar olsun...
İstəmirəm eşitməyi,
Qulaqlarım qoy kar olsun. Qorxuram ki, eşidərəm
nişanlanıb mən sevdiyim,
Mən bildiyim,
Mən gördüyüm...
Sən gedəni keçmək bilmir
ayım mənim, ilim mənim. Qoy lal olsun dilim mənim,
Deyə bilmeyim hələ də,
Cox Sevirəm səni gülüm,
Sənsiz ölüm...
Qəlbimdə qaldı sözlərim,
İtib, batıbdır izlərim... Qoy görməsin bu gözlərim,
Qoy kor olum...
Qorxuram ki, səni birdən
özgə biriylə görərəm,
Mən ölərəm.
Unuduram gül üzünü, Dediyin hər bir sözünü,
Zülfün tək qara gözünü...
Özgəsiylə yerin dolar?
Qorxuram ki nəsə olar,
Aglımıda, özümü də
unudaram... Gözlərimin yaşlarını,
Gözlərimdə qurudaram