"Hamı bizə xuliqan desə də, mən xuliqan deyiləm. Avtoşluq mənim hobbimdir. Sadəcə, mən və digər avtoşlar iti sürət və adrenalin azarkeşiyik. Yol hərəkəti qaydalarına riayət etməsək də, heç kimə pisliyimiz dəymir"

Birinci kateqoriyaya aid olanlar "streetracer"lər - küçədə şütüyənlərdir. Bu avtoşlar üçün əsas - sürət deyil. Onlar üçün vacib olanı avtomobili maşınların arası ilə məharətlə sürmək, sərt döngələri kəsməkdir.

İkinci kateqoriyadakılar isə "speedenglər"dir. Bunlar sürətsevərlərdir. Bu cür avtoşlar maşın az olan şosse tapıb, orada qazı axıra qədər sıxıb maksimal sürət yığırlar.

Digər kateqoriyaya isə "draggerslər" aiddir. Bu cür avtoşlar üçün isə əsas - 400 metrlik məsafədə sürəti 0-dan 170-180 km-ə çatdırmaqdır.

Avtoşlar və qanunlar

Onu da qeyd edim ki, avtoşların meydana çıxma tarixi təxminən maşının tarixi qədərdir. Avtoşların əksəriyyəti isə 19-25 yaşında olan gənclərdir.

"12 ildir ki, avtoşluq edirəm. Bu illər ərzində beş dəfə maşın aşırmışam. Bununla fəxr etmirəm, lakin pis də baxmıram. 15 yaşımdan maşın sürməyi öyrənmişəm. Maşın mənim həyatımın bir parçasıdır. Əslində, biz avtoşlar maşın sürməyə həvəsi olan insanlarıq. Avtoşluq əksər ölkələrdə idman növü kimi qəbul edilib. Hətta onlar üçün yerlər belə ayrılıb. İndi də bu işə nə vaxtsa sərmayə yatıranlar milyarderdirlər. Bizdə də belə bir yer ayırsaydılar, bu gün bizə xuliqan adı verilməzdi"

Ey camat mene pis biri kimi baxmayin pis biri deyilem sadece hobbimdir.!!!