Əbu Bəkrin xəlifəliyinin təsdiqi
Əssalamu aleykum va rahmatullah
Peyğəmbərimiz (səllallahu aleyhi və səlləm) vəfat
etməmişdən öncə özündən sonra xəlifəliyinin kimə
tapşıracağını müsəlmanlara bildirmişdir. Aşağıdakı
hədislərdən bu aydın olacaq.
1) Peyğəmbər (səllallahu aleyhi və səlləm) ömrünün
sonlarında, xəstə olarkən, Aişəyə (Allah ondan razı
olsun) demişdir: "Əbu Bəkri və qardaşıvı yanıma çağır,
onlara bir yazı yazdıracam. Çünki, mən, başqa birinin
ortaya çıxaraq rəhbərliyə daha layiq olduğunu
deməsindən narahatam, lakin Allah və möminlər Əbu
Bəkrdən başqasını qəbul etməyəcək" (Səhih Müslim,
2387)
2) Peyğəmbər (səllallahu aleyhi və səlləm) demişdir:
"Məndən sonra Əbu Bəkrə və Ömərə itaət
edin" (Sünən Tirmizi, 3805. Şeyx Əlbani səhih
demişdir)
3) Bir gün bir qadın Peyğəmbərin (səllallahu aleyhi və
səlləm) yanına gəlmiş, lakin Peyğəmbər (səllallahu
aleyhi və səlləm) onun başqa vaxt gəlməsini
istəmişdir. Qadın Peyğəmbərdən (səllallahu aleyhi və
səlləm) soruşdu: "Bəs əgər gəlib səni tapmasam
necə edim?" (sanki qadın, Peyğəmbərin (səllallahu
aleyhi və səlləm) ölümündən sonra, kimə müraciət
edəcəyini soruşurdu). Peyğəmbər (səllallahu aleyhi və
səlləm) dedi: "Əgər məni tapmasan, Əbu Bəkrin
yanına get" (Səhih Buxari, 3659)
4) Peyğəmbər (səllallahu aleyhi və səlləm) ömrünün
sonlarında, xəstəliyinin kəskinləşdiyi bir vaxtda,
Aişəyə (Allah ondan razı olsun) demişdir: "Əbu Bəkrə
de ki, camaata namaz qıldırsın". (Səhih Buxari, 683.
Səhih Müslim, 418)
5) Peyğəmbər (səllallahu aleyhi və səlləm) demişdir:
"Peyğəmbərlik Xilafəti 30 il sürəcək. Sonra Allah öz
Mülkünün idarəsini istədiyi şəxsə verəcəkdir" (Sünən
Əbu Davud, 4646-4647. Sünən Tirmizi, 2226.
ən-Nəsai, Fəzail əs-Səhabə, 52. əl-Hakim, 3/71.
hədis səhihdir. Şeyx Əlbani, Silsilə əs-Səhihə, 459)
6) "Peyğəmbərin (səllallahu aleyhi və səlləm)
zamanında biz Əbu Bəkri heç bir səhabəylə eyni
tutmurduq, sonra Ömərlə belə olmuşdur, sonra da
Osmanla belə olmuşdur. Ondan (Osman) sonra isə