Qaranquş ( ELkin Kərimli ) Bir kimsəylə, bir özgəylə işim yox,
Apar məni uzaqlara qaranquş.
Nə bir dostum,nə də bir sirdaşım yox,
Apar məni uzaqlara qaranquş. Gedək daha buralara qış gəlib,
Üşüyürəm qar gəlib, yağış gəlib,
Ürək dolub, gözlərimə yaş gəlib,
Apar məni uzaqlara qaranquş. Sevgisizəm ürək olub daş kimi,
Tapılmayıb ürəyimin hakimi,
Bəlkə tapdım uzaqlarda sevgimi,
Apar məni uzaqlara qaranquş. Yer üzünün dərdi, sərindən bezib,
Sən göy üzü, mən də yerindən bezib.
Biri yüzdən, yüzü birindən bezib,
Apar məni uzaqlara qaranquş. Xəyallarim uşur yenə səmada,
Rast gələrsə əgər sənə səmada,
Yer yoxdumu məgər mənə səmada ?
Apar məni uzaqlara qaranquş. Gələn bahar qayıdaram səninlə,
Gül-çiçəyi oyadaram səninlə,
Dərd-sərimi unudaram səninlə,
Apar məni uzaqlara qaranquş. Məni göyə götürəsən hələ ki,
Buludlarda itirəsən hələ ki,
Yaz gələndə gətirərsən, hələ ki,
Apar məni uzaqlara qaranquş. Apar məni, viran olubdu bağım,
Nələri ki, aparacam qoy yığım
Daha burda bilinməyir varlığım,
Apar məni uzaqlara qaranqus