, çünki hər şeyi düz edəcəyik.

-​ Hər zaman ilk olaraq başqaları haqqında düşünün.

-​ Müsbət cəhətləri qeyd edərək, mənfi cəhətlərə diqqət yetirməmək lazımdır.

-​ Əgər nə isə alınmırsa, keçmiş aiənizi yada salaraq çalışın ki, bu yenidən təkrarlanmasın.

-​ Şəxsiyyət xüsusiyyətlərindən asılı olaraq insan nikahla bağlı mifə uyğun olaraq hərəkət etməklə özünü ilk olaraq nikahın bir elementi və yaxud boşanma ilə bağlı mifə uyğun gələn fərd kimi nəzərdən keçirə bilər.

-​ Mənim olan mənimdir, sənin olan sənin.

-​ Nikah insanı əvvəlki həyatdan fərqli olaraq daha xoşbəxt edir.

-​ Bizim üçün yaxşı olan uşaqlarımız üçün zərərlidir.

Qeyd olunanlara nəzər yetirdikdə hər bir şəxsin nikah, ailə və ümumiyyətlə birgə həyatla bağlı dünyagörüşündən, məlumatlılığından, nikaha, birgə yaşayışa hazırlıq səviyyəsindən gələcək nikahın nə qədər asılı olduğunu müəyyən etmək çətindir. İnsanlar ilk növbədə qarşılıqlı simpatiya, rəğbət, sevgi əsasında ailə qururlar. Əksər hallarda, 70%-ə qədər qadın və kişilər ailə qurarkən sevgi amilini əsas tuturlar. Lakin sevgi evliliyin yalnız ilk altı ayı ərzində əsas kimi aktuallığını saxlayır. Daha sonra bu aktuallıq ikinci yerə keçərək bir-biri qarşısında məsuliyyət hissi, qarşılıqlı hörmət, səbrlə qarşılıqlı dinləmə, ünsiyyət mədəniyyətinə keçir. Xanımlarımız ilk növbədə ailə qurarkən ilkin sevgi, simpatiya hisslərini nəzərə almalıdırlar. Ünsiyyət mədəniyyəti - qarşısında olan şəxsi dinləmək, onun sözünü eşitməyi bacarmaq - sizin seçdiyiniz şəxsə xas olmalıdır. O öz fikirlərini deməklə yanaşı, sizi də eşitmək arzusunda olmalı, sizi də dinləməyi bacarmalıdır. Bu zaman xanımın şəxsi xüsusiyyətləri də əhəmiyyətli məna kəsb edəcək. Belə ki, əgər xanımın ailəsində hər zaman kişinin dediyi qanundursa, əksəriyyət zamanlarda atasının dediyi əmr formasında səslənirsə, onda belə ünsiyyətə öyrəşməsi faktı da qaçılmazdır. Buna görə xanımların aktivliyindən də çox şey asılıdır. Lakin istənilən halda kobud, qaba davranış, danışıq, yəqin ki,