heç kimin xoşuna gəlməz”.

A.Kərimov kişilərin ev işləri görməkdən bir o qədər də zövq almadıqlarını deyir. O, ailənin dolandırılması, maddi tələbatlarının qarşılana bilməsi üçün kişilərin gəlirlərini necə idarə etmələrinin də önəm daşıdığını vurğulayır:

“Vacib bir məqam nikah partnyoru seçdiyiniz şəxsin ailəni, iqtisadi və ev təsərrüfatını idarə etmək bacarıqlarıdır. Kişilərin böyük əksəriyyətinin ev işlərinə marağı o qədər də olmur. Bu halda onun hər hansı ev əşyasını təmir etmək bacarığı, simvolik olaraq “divara mıx çalmaq” bacarığını, nəzərə almağınız lazımdır ki, gələcəkdə evdə belə xırda məsələlərə görə mübahisəniz olmasın. O, eyni zamanda ailənin büdcəsini idarə etməyi bacarmalı və əgər yaxşı bacarmırsa, bunu sizin məsləhətinizlə kompensasiya etməyə qabil olmalıdır. Bu xüsusiyyəti onunla birgə hədiyyə alarkən hiss edə bilərsiniz, pulunu idarə etməyi bacarmayan şəxs adətən daha yaxşı imic üçün daha bahalı hədiyyəni seçməyə çalışaraq öz qərarını (avtoritarlığını) öndə tutacaq. Əgər o öz cibindəkiləri qorumağı bacarırsa, bu zaman sabahkı gün üçün cibində nə qədər məbləğin qalacağını düşünəcək.

Qadınlar maddi amili və ya bununla bağlı məsələləri mütləq nəzərə almalıdırlar. Çünki bir ailə özünün həyatında iqtisadi-maddi gəlirin əldə edilməsi və onun xərclənməsi, gələcəklə bağlı planların qurulması zamanı maddi gəlirin bölüşdürülməsi, idarə edilməsi ilə bağlı təcrübəsiz yaşaya bilməz. Sevdiyiniz və ailə həyatı qurmaq istədiyiniz şəxs gələcək ailəsini dolandırmaq üçün minimum vəsaiti əldə etmək qabiliyyətinə sahib olmalıdır. Seçim qarşısında qaldığınız zaman əsas üstünlüyü maddi rifaha verərək sevdiyiniz şəxsdən imtina edirsinizsə, bu sizin dəyərlərinizlə bağlıdır. “Mənin dəyərlərim hansılardır?” sualını özünüzə verməyi bacarın. Lakin digər bir tərəfdən perspektivdə oğlanın maddi gəlir qazanmaq imkanlarını, özünüzün qazandığınız gəliri ailə büdcəsinə daxil edə bilməyiniz, partnyorunuzun bu addımlara münasibətini də qiymətləndirmək gərəkir. Yox, əgər o heç