ç bir bacarığa sahib deyilsə və sizin gəlirlərinizi əsas tutaraq ailə qurursa, o zaman onun dəyərləri də sizin tərəfinizdən o qədər də bəyənilən olmaya bilər. Lakin yenə bu sizin dəyərlərinizlə bağlıdır. Bəlkə, siz sadəcə "evdə kişi olsun" fikirlərini bölüşənlərdənsiniz. Ən yaxşısı - birgə həyat zamanı tədricən ailənizin və özünüzün maddi rifahı yolunda çalışmaq və ailə büdcəsini idarə etməklə gələcək perspektivləri birgə hazırlamaqdır”.

Psixoloq müəyyən situasiyalarda kişilərdən bacardıqları qədər səbrli və təmkinli davranmalarını tələb edir: “Digər bir nəzərə alınmalı xüsisyyət onun sərbəstliyi, o cümlədən qeyri-sabit situasiyalarda səbrliliyi, soyuqqanlılığıdır. Çünki sizin də səbirsiz, hirsli vaxtlarınız ola bilər. Belə vəziyyətlərdə özünüzü təmkinli göstərə bilirsinizmi? Onun təmkinli olması gələcəkdə birgə həyat üçün olduqca önəmlidir. Çünki ailədə böhranlar olur və bu böhranlar bütün ailələr üçün mütləqdir. Belə vəziyyətlərdə həyat yoldaşınız daxili sabitliyini saxlamalı və eyni zamanda sizə məsləhət verməyi bacarmalıdır”. Ekspert erkən nikahlardan söz açaraq atılan kor-koranə addımların böyük faciələr doğura biləcəyini deyir.

A.Kərimov valideyn məsləhəti ilə qurulan ailələri birmənalı olaraq pisləmir: “Erkən nikahlar məsələsinə bu mənada toxunmaq lazımdır. Xüsusilə gənc yaşlarından ailə quranlar yalnız sevgini və simpatiya hissini əsas tuturlar. Bu zaman mühüm amil onların həyat bacarıqlarının olmamasıdır. İndiki zamanda serialların insanların şüuruna girdiyi və erkən gənclik dövrünə qədəm qoyan qızların heç bir təhsil və peşə fəaliyyətinə can atmadan özünü aktuallaşdırmaq üçün seçim yolu kimi gəlinlik geymələri ağrılı problemlərdəndir. Çünki ailə həyatını yalnız bir günlük toy günü kimi təsəvvür etmək olduqca səthi yanaşmadır. Digər bir tərəfdən cəmiyyətdə olan kişi stereotiplərini də nəzərə almaq lazımdır. Cəmiyyət bu istiqamətdə maariflənməli, "babam nənəmlə evlənərkən nənəmin 15 yaşı var idi" fikrində olanlara "21-ci əsrdir" fikrini aşılamalıdır.