Həyat yoldaşı seçimi istər xanımlarımız, istərsə də bəylərimiz üçün çox önəmli məsələdir. Bəylərimiz ailəsinə layiq olacaq, valideynlərinə hörmət qoya biləcək bir xanımın övladlarının anası olmasını istəyir. Xanımlar da öz növbəsində bu nüanslarla yanaşı, ona diqqət yetirən, daha çox sevgi, diqqət, nəvaziş göstərən bir bəyi arzulayırlar. Əlbəttə, bu zaman maddi tələblər də önə çəkilə bilər. Xüsusilə də son dövrlər ailə həyatı qurmağa hazırlaşan bəzi xanımlar üçün maddi tələbat ön planda durur. Əslində xanımların bu istəyini normal qarşılamaq olar. Sevgi olmadan, sırf maddiyyat üzərində ailə qurduqda ocağımızın qısa müddətdə sönə biləcəyini də unutmamalıyıq. Bu baxımdan həyat yoldaşı seçərkən ilk olaraq öz tələblərimizi, kriteriyalarımızı nəzərə almalı, hər şeyi, atalarımızın sözü ilə desək, yüz ölçüb, bir biçməli, qarşımızdakı şəxsi yaxından tanımalıyıq. Həyat yoldaşı seçimi edərkən başqa hansı nüansları nəzərə almalıyıq?

Psixoloq Asəf Kərimov qaranlıq qalan mətləblərə aydınlıq gətirir. Psixoloq bunun üçün xüsusi reseptə ehtiyac olmadığını söyləyir. İlk növbədə şəxsiyyətin fərdi psixoloji xüsusiyyətləri nəzərə alınmalıdır:

“Ailə qurmaq üçün məsləhət vermək, ümumi resept yazmaq çətindir. Belə ki, ilk növbədə bu, şəxsiyyətin fərdi psixoloji xüsusiyyətləri ilə bağlıdır. Müasir dövrdə bir çox psixoloqlar ən müxtəlif testlərdən istifadə edərək konkret bir şəxsə ona uyğun olan şəxsin xüsusiyyətləri ilə bağlı mühakimə yürüdə bilərlər. Lakin bunu tam dəqiqliklə, əminliklə "sənin sevdiyin insan bu xüsusiyyətlərə malik şəxs olarsa, sən xoşbəxt olarsan" fikrini demək düzgün deyil. Çünki ailənin xoşbəxtliyi təkcə ailə quran şəxslərlə bağlı olmayıb, eyni zamanda bu ailənin ətrafında olan digər şəxslərlə münasibətlərindən də asılıdır. Hər bir qadın ideal kişi dedikdə ilk olaraq ailəsində ideal saydığı, bütün mənfi və müsbət tərəflərini gördüyü kişi obrazı olaraq atasını, bəylərimiz isə ideal qadın kimi anasına bənzər xanımları təsəvvürlərində canlandırırlar. Bu mənada