birlikdə
günümüzdəki möhürə bənzər bir şey
daşıdığını və gəmi ilə səfər edərkən ona
səcdə etdiyini də nəql etmişlər.
Məhəmməd ibn Səd “Ət-Təbəqatul-k
ubra” kitabında belə yazır: “Məsruq ibn
Əcdə gəmi ilə səfərə çıxdığı zaman özü ilə
bir qədər torpaq götürərdi ki, namaz
vaxtı ona səcdə eləsin.” (Məhəmməd ibn
Səd, “Ət-Təbəqatul-kubra”, c.6, səh. 79)
Şiə və əhli-sünnənin əksər kitablarında bu
cür rəvayətlər qeyd edilmişdir.
Allah Rəsulunun (s) daşa səcdə etməsi:
İbn Abbas belə nəql edir: “İslam
Peyğəmbəri (s) daşa səcdə edirdi.”
Bu rəvayəti Hakim Neyşaburi “Əl-
Mustədrək” kitabı, c.3, səh. 473-də nəql
edərək onu təsdiqləyir. Zəhəbi də “Əl-
Mustədrək”in təlxisində həmin məsələnin
doğru olduğunu bildirir.
Peyğəmbərin (s) həsirdən düzəldilmiş
olan səccadəyə səcdə etməsi:
Müslim Neyşaburi “Səhih Müslim”
kitabında Əbu Səid Xudridən belə nəql
edir: “Mən Peyğəmbərin (s) yanına daxil
olduğum zaman onun həsir üzərində
namaz qıldığını və elə ona da səcdə
etdiyini gördüm.” (“Səhih Müslim”, c.2,
səh. 62, “Kitabus-səlat”, “Əs-Səlatu fi
sovbin vahid” bölməsi və səh. 128,
“Fəzlu səlatil-cumə” bölməsi)
Eyni zamanda, Buxari və Müslim də
Ümmül-Möminii Məymunədən belə nəql
etmişlər: “Allahın Rəsulu (s) həsirə səcdə
edirdi.” (“Səhih Buxari”, c.1, səh. 101,
“Kitabus-səlat”, “Əs-Səlatu ələl-xumrə”
bölməsi; “Səhih Müslim”, c.2, səh. 128,
“Kitabus-səlat”, “Fəzlu səlatil-cumə”
bölməsi)
Müslim Ayişədən belə nəql edir: “Ayişə
deyir ki, Peyğəmbər (s) mənə səcdə
etmək üçün həsir gətirməyimi söylədi.
Mən üzr gətirərək bildirdim ki, mən
menstruasiya dövründəyəm (aybaşıyam)
. Peyğəmbər (s) buyurdu ki, bu, sənin
əllərinə aid deyil.” (“Səhih Müslim”, c.1,
səh. 168)
Heysəmi “Məcməuz-zəvaid” kitabında İbn
Ömərdən belə nəql edir: “Allahın Rəsulu
(s) həsirin üzərində namaz qılır və elə ona
da səcdə edirdi.” Bu rəvayəti Əhməd,
Bəzar və Təbərani “Əl-Kəbir vəl-əvsət”
kitabında nəql etmişlər. Əhmədin ricalları
(raviləri) səhihdir. (“Məcməuz-zəvaid”,
c.2,