3 günlük dünyadı..
Kef elə...
Həyatın dadını çıxart..
***
Belə deyənlərin böyük ehtimal ki, dünyadan sonrakı "əbədi" həyata inancları yoxdur.. Mən bir neçə adamın belə sual verməsinin də şahidi olmuşam, "Kim o dünyanı görüb qayıdıb?"
Bu gün özlərini müsəlman hesab edən kəslərin (hansı ki, möminlər onlara dildə müsəlman deyir) heç dildə belə müsəlman deyil əksəriyyəti, yəni "kəlmeyi-şəhadəti" yoxdur..

Bu barədə bir neçə ayə qeyd etmək istəyirəm..

O kəslər ki, sənə nazil olana və səndən əvvəl nazil olanlara iman gətirir, axirətə də yəqinliklə inanırlar.
"Bəqərə surəsi", ayə:4

..ayələrimizi yalan hesab edənlərin və axirətə inanmayanların nəfslərinin istəklərinə uyma.
"Ənam surəsi", ayə:150

Ayələrimizi və axirətə qovuşmağı doğru hesab etməyənlərin (bütün) əməlləri puça çıxdı. Onlar ancaq öz əməllərinin cəzasını çəkəcəklər!
"Əraf surəsi", ayə:147

axirətə inanmayanlar üçün isə şiddətli bir əzab hazırlamışıq!
"İsra surəsi", ayə:10

axirətə inanmayanlar isə doğru yoldan sapanlardır!
"Muminun surəsi", ayə 74

Həqiqətən, axirətə iman gətirməyənlərin (bəd) əməllərini onlara yaxşı kimi göstərdik. Odur ki, onlar (azğınlıqları )(üzündən heç nə anlamadan) (yer üzündə) veyllənirlər.
"Nəml surəsi", ayə:4

Kafir olub ayələrimizi və axirətə qovuşacaqlarını (qiyamət günü dirilib haqq-hesab üçün hüzurumuzda duracaqlarını) inkar edənlər isə əzab verilmək üçün hazırlanacaqlar (gətiriləcəklər).
"Rum surəsi", ayə:16

(Ya Rəsulum!) Sən (çətinliklərə, əziyyətlərə) səbr et. Şübhəsiz ki, Allahın (sənə verdiyi zəfər) vədi haqdır. Qoy (axirətə) qəti inanmayanlar səni etinasızlığa sövq etməsinlər. (Səni yüngül hesab edib yerindən oynatmasınlar, səbrsizliyə, səbatsızlığa sövq edərək öz fikrindən və amalından döndərib risaləti təbliğ etməkdən daşındıra bilməsinlər!)
"Rum surəsi", ayə:60
***

Bundan sonra belə sözləri dilinə gətirənlər məncə düşünsünlər..

“Məgər korla görən eyni ola bilərmi? Məgər düşünmürsünüz?”
"Ənam surəsi", ayə:50