Vilyam Şekspir 1564-cü il
aprelin 23-də Stratford-on-
Eyvonda anadan olub. Adətən
onun atasının əlcəktikən
olduğunu önə çəkirlər. Amma
son tədqiqatlarda, xüsusilə
müəllifliyi başqa namizədlərə
aid etmək istəyən tədqiqatçılar
tərəfindən Con Şekspir, hətta
bir dəfə yaşadığı şəhərin
bələdiyyə rəisi seçilməsinə
baxmayaraq, daha çox sələmçi
kimi təqdim olunur. Çünki bu
peşəni sonradan onun oğlu
davam etdirəcək. Vilyam
Şekspir, yəni ingiliscə
nizəoynadan, Stratfordun
«Qrammatika məktəbi»
adlanan təhsil ocağında
oxuyub. 1582-ci ildə, 18 yaşında
özündən 8 yaş böyük Anna
Hataueylə ailə qurur. Üç övladı,
iki qızı və bir oğlu olur. Oğlu
Hamnet 11 yaşında vəfat edir.
1587-ci ildə Şekspir
Stratforddan çıxıb Londona
yollanır.
Bu gedişi yazıçı Xorxe Luis
Borxes bir o qədər də etibarlı
sayılmayan mənbələrə
əsaslanaraq olduqca maraqlı
şəkildə təsvir edir. Guya Şekspir
vaxtını tənbəlliklə, çarpayıda
uzanıb tavana baxa-baxa,
xəyallara dalmaqla keçirərdi.
Ərinin belə veylliyindən ev
işlərindən başı ayılmayan Anna
daim qeyzlənib gileylənər, onu
tənbeh edərdi. Nəhayət,
arvadının deyinməyinə
dözməyən Şekspir çarpayıdan
qalxıb Londona yollanır və
orada 1612-ci ilə qədər aktyor
truppasına qoşulur, onun
təsisçilərindən birinə çevrilir,
sələmçiliklə məşğul olur,
«Qlobus» teatrında işləyir, bu
müddətdə 37 pyes, 154 sonet
və beş poema yazır, ən əsası,
«Şekspir» olub yenidən
Stratforda qayıdır və heç nə
olmamış kimi yenə çarpayısına
uzanıb tavana tamaşa etməyə
davam edir. 1616-cı ilin aprel
ayına qədər. Aprel ayının 23-də,
yəni anadan olduğu gündə
vəfat edir. Amma vəfatından
təxminən bir ay əvvəl, mart
ayının 15-də yazdığı
vəsiyyətnamə ilə özündən
sonra artıq neçə yüz il dünyanı
çaşdıran bir tapmaca yaradır.
Məsələ ondadır ki, bərbad xətlə
yazılan, biabırçı, savadsız
şəkildə tərtib olunan
vəsiyyətnamənin müəllifi heç
bir məntiq və heç bir müddəaya
əsasən Qərb ədəbiyyatının
zirvəsi sayılan əsərlərin müəllifi
ola bilməzdi. Məhz