n Nuranenin musiqiçi olduğunu və skripkada ifa etmək üçün təhsil aldığını öyrəndi. Eyni zamanda Nuranede Senanin rayondan oxumağa gəldiyini, burda kirayə qaldığını öyrəndi. ..Nəhayət metroya çatdılar. Yollarda avtobusların gedişi çətin olduğuna görə hamı metrodan istifadə edirdi. Buna görə metroda da vəziyyət çətin idi. Qatarı gözləyirdilər. Hərdən bir – birinə baxır, bəzən ehtiyat edir, bəzən də cəsarətlənib sual verirdilər. Qatar gecikirdi. Bu gecikmədən istifadə edib daha bir neçə suallarına cavab aldılar. Axır ki, qatar gəldi. Qatarda adam həddən artıq sıx olduğundan bir-biri ilə sohbət etməyə imkan olmadı. Üç stansiyadan sonra düşdülər...
- Mən bu binada qalıram – deyərək, Nurane addımlarını yavaşladı.bura oz evim deyil sadece arada qaliram burda ozum ise merdekanda qaliram.

- Yaxşı.

- Rayona getmədiyinizə görə tam bekarsız. Bütün günlərinizi bu kitaba (gözləri ilə Senanin əlindəki bədii kitaba işarə etdi) həsr edəcəksiz?

- Gecələrimi də.

Güldülər. Nurane gülməyinə ara verib, Senanin sözünü sözlə kəsdi:
- Bəlkə gecələrinizdən birini bir kinoya həsr edəsiz? Gələn həftə əla bir kino olacaq – birdən qaşlarını çatıb soruşdu – kinonu xoşlayırsız?

- Əlbəttə, olar...

Kinoya getmək əla təklif idi. Bunu bəhanə gətirib bir – birinin telefon nömrələrini öyrənmişdilər. Kinoya getmişdilər. Bir – birini bir az da tanımışdılar. Sonra bir yerdə dənizkənarı parka gedirdilər. Bəzən saatlarla telefonda danışırdılar. Hərdən Nurane Senanin bir az soyuqluğundan şikayət etsə də, Senan bunu havaların soyuq keçməsi ilə əlaqələndirib, zarafat edirdi. Sonra bir – birlərinə alışdılar. Gözlər darıxdı bir – biri üçün. Əllər bir – birinə toxunmaq üçün səbrsizləndi. Artıq Senanin qəribə soyuqluğu Nuraneni qətiyyən narahat etmirdi. Çünki, Senanin yalnız ona məxsus olduğuna tam əmin olmuşdu. Özləri də bilmədən bir – birinə olan isti münasibət aralarındakı kövrək sevgi toxumunun cücərməsinə səbəb olmuşdu…