Əziz Müsəlmanlar!

İlk öncə sizləri, uca Allahın lütfü ilə 2014-cü ilimizdə nəsib olan Ramazan ayının gəlişi münasibəti ilə təbrik edirik. Rəbbimizdən hər kəsə hidayət, hər kəsə bol iman və elm arzulayırıq. Allah bütün ibadətlərinizi bu ayın şərəfinə, izzətinə xatir qəbul dərəcəyə yetirsin...

Ali məqamlı mərcəyi-təqlidlərin nəzarətində olan istihlal (yeni ayın hilalını görmə) mərkəzlərinin verdiyi bəyanatlara əsasən belə qənaətə gəlinir ki, mübarək Ramazan ayının 1-i - iyun ayının 29-na düşəcək. Verilən xəbərlərə görə, yeni hilalın müəyyən edilməsi üçün 150-dən yuxarı istihlal qrupları səfərbər olunublar.

Mərkəzin xəbərinə görə, cümə günü (iyunun 27-si) yeni hilalın görünməsi mümkünsüzdür. Belə ki, iyunun 27-si - şaban ayının 29-na uyğun gəlir. Belə olan təqdirdə, şənbə günü şaban ayının 30-u olması və bazar günü - iyunun 29-u mübarək Ramazan ayının 1-i olacağı gözlənilir.

Qeyd: 11 ayın sultanı olan Ramazanda saytımızın xəbərlər bölməsindən hər gün İftar/İmsak vaxtlarını, hər günə özəl duaları sizlərlə paylaşaraq "Canim.Az" saytı olaraq görüşünüzə gələcəyik! Bizi izləməyi unutmayın...